କୋଇଲା ପ୍ଲାଣ୍ଟର ପ୍ଲାଣ୍ଟରେ ଭୟଙ୍କର ବିସ୍ଫୋରଣ: ଦୁଇ ଆହତ

ନୂଆଦିଲ୍ଲୀ: ଜାମସେଦପୁରର ଟାଟା ଷ୍ଟିଲ ପ୍ଲାଣ୍ଟରେ ଭୟଙ୍କର ବିସ୍ଫୋରଣ ଘଟିଛି । ପ୍ଲାଣ୍ଟରେ ନିଆଁ ଓ ଗ୍ୟାସ ଲିକ ହେବା ପରେ କର୍ମଚାରୀଙ୍କୁ ତୁରନ୍ତ ସୁରକ୍ଷିତ ଭାବେ ବାହାର କରାଯାଇଥିବା ଜଣାପଡିଛି । ସୂଚନାଯୋଗ୍ୟ ଯେ, ଜାମସେଦପୁରର କୋଇଲା ପ୍ଲାଣ୍ଟର ବ୍ୟାଟେରୀ ନମ୍ବର ୬ ଓ ୭ରେ ହୋଇଥିବା ନେଇ ଟାଟା କର୍ପୋରେଟ କମ୍ୟୁନିକେସନ ସୂଚନା ପ୍ରଦାନ କରିଛି । ଏହି ଘଟଣା ସଂପର୍କରେ ସୂଚନା ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଉକ୍ତ ଅଞ୍ଚଳକୁ ଘେରାବନ୍ଦୀ କରିଛନ୍ତି । ସ୍ଥିତି ଉପରେ ନିୟନ୍ତ୍ରଣ ରହିଥିବାବେଳେ ଠିକାରେ କାମ କରୁଥିବା ୨ କର୍ମଚାରୀଙ୍କ ସାମାନ୍ୟ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଏହି ଘଟଣା ସଂପର୍କରେ ବର୍ତ୍ତମାନ ସୁଦ୍ଧା କାରଣ ଜଣାପଡିନାହିଁ ।