ଇରାକରେ ବୋମାମାଡ: ୮ ମୃତ

ନୂଆଦିଲ୍ଲୀ: ଉତ୍ତର ଇରାକରେ ତୁର୍କୀର ବୋମାମାଡରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୨୩ ଜଣ ଆହତ ହୋଇଛନ୍ତି । ସୂଚନା ଅନୁସାରେ, କୁର୍ଦ୍ଦିିସ୍ଥାନ ଓ ତୁର୍କୀ ସୀମାରେ ଥିବା ଜାଖୋ ସହରର ଏକ ରିସୋର୍ଟରେ ବୋମାମାଡ ହୋଇଥିଲା । ପ୍ରାଣ ହରାଇଥିବା ସମସ୍ତ ୮ ନାଗରିକ ପର୍ଯ୍ୟଟକ ହୋଇଥିବା ନେଇ ସୂଚନା । କୁର୍ଦ୍ଦିିସ୍ଥାନର ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ, ହସ୍ପିଟାଲରେ ପହଞ୍ଚିବା ପୂର୍ବରୁ ହିଁ ୮ ଜଣଙ୍କର ମୃତ୍ୟୁ ହୋଇସାରିଥିଲା ଏବଂ ୨୩ ଜଣ ଚିକିତ୍ସିତ ହେଉଛନ୍ତି । ତୁର୍କୀ ଲଗାତର ଭାବେ ଉତ୍ତର ଇରାକରେ ଆକ୍ରମଣ କରୁଛି । ତୁର୍କୀ ପ୍ରତିରକ୍ଷା ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଜାକୋ ଠାରୁ ପ୍ରାୟ ୧୦ କିଲୋମିଟର ଦୂରରେ ଥିବା ଇରାକ ସହିତ ହାବୁର ସୀମା କ୍ରସିଂରେ ଦୁଇ ଜଣ ଆତଙ୍କବାଦୀ ତୁର୍କୀ ସୁରକ୍ଷା ପଏଣ୍ଟରେ ଆତ୍ମସମର୍ପଣ କରିଛନ୍ତି । ତୁର୍କୀର ଏହି ଆକ୍ରମଣ ମଧ୍ୟରେ ଇରାକ ବୈଦେଶିକ ମନ୍ତ୍ରୀ ଘଟଣାସ୍ଥଳ ପରିଦର୍ଶନ କରିଛନ୍ତି ।