ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଗତି ଶକ୍ତି ଜାତୀୟ ମାଷ୍ଟର ପ୍ଲାନର ୩ ବର୍ଷ ପୂରଣ ହୋଇଥିବାରୁ ଆନନ୍ଦ ପ୍ରକାଶ କରିଛନ୍ତି ।
କେନ୍ଦ୍ର ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ଶ୍ରୀ ପୀୟୁଷ ଗୋଏଲଙ୍କ ଏକ ପୋଷ୍ଟ ଏବଂ ମାଇଁଗଭ୍ର ଏକ ଥ୍ରେଡ୍ ପୋଷ୍ଟକୁ ଏକ୍ସରେ ଶେୟାର କରି ପ୍ରଧାନମନ୍ତ୍ରୀ ଲେଖିଛନ୍ତି:
“ପ୍ରଧାନମନ୍ତ୍ରୀ ଗତିଶକ୍ତି ନ୍ୟାଶନାଲ ମାଷ୍ଟର ପ୍ଲାନ ଭାରତର ଭିତ୍ତିଭୂମି ଢ଼ାଞ୍ଚାରେ ପରିବର୍ତ୍ତନ ଆଣିବାକୁ ଲକ୍ଷ୍ୟ ରଖିଥିବା ଏକ ପରିବର୍ତ୍ତନଶୀଳ ପଦକ୍ଷେପ ଭାବରେ ଉଭା ହୋଇଛି । ଏହା ମଲ୍ଟିମୋଡାଲ୍ ସଂଯୋଗୀକରଣକୁ ଯଥେଷ୍ଟ ବୃଦ୍ଧି କରିଛି, ଯାହା ଦ୍ୱାରା ବିଭିନ୍ନ କ୍ଷେତ୍ରରେ ଦ୍ରୁତ ଏବଂ ଅଧିକ ପ୍ରଭାବଶାଳୀ ବିକାଶ ହୋଇଛି ।
ବିଭିନ୍ନ ହିତାଧିକାରୀଙ୍କ ନିରବଚ୍ଛିନ୍ନ ଏକୀକରଣ ଦ୍ୱାରା ଲଜିଷ୍ଟିକ୍ସ ବୃଦ୍ଧି, ବିଳମ୍ବ ହ୍ରାସ ହେବା ସହ ଅନେକ ଲୋକଙ୍କ ପାଇଁ ନୂତନ ସୁଯୋଗ ସୃଷ୍ଟି ହୋଇଛି ।”
“ଗତିଶକ୍ତିକୁ ଧନ୍ୟବାଦ, ଏହା ଯୋଗୁଁ ବିକଶିତ ଭାରତର ଆମର ସ୍ୱପ୍ନକୁ ସାକାର କରିବା ଦିଗରେ ଭାରତ ଦ୍ରୁତ ଗତିରେ ଆଗେଇ ଚାଲିଛି । ଏହା ପ୍ରଗତି, ଉଦ୍ୟୋଗୀ ଏବଂ ନୂତନତ୍ୱକୁ ଉତ୍ସାହିତ କରିବ ।”