ସାଧାରଣ ଶ୍ରେଣୀରେ ୫୦୦ କିଲୋମିଟର ପର୍ଯ୍ୟନ୍ତ ବୃଦ୍ଧି ନାହିଁ; ୫୦୧ ରୁ ୧୫୦୦ କିଲୋମିଟର ଦୂରତା ପାଇଁ ୫ ଟଙ୍କା ଏବଂ ୨୫୦୦ କିଲୋମିଟର ପର୍ଯ୍ୟନ୍ତ ଦୂରତା ପାଇଁ ୧୦ ଟଙ୍କା ଏବଂ ୨୫୦୧ ରୁ ୩୦୦୦ କିଲୋମିଟର ଦୂରତା ସ୍ଲାବ୍ ପାଇଁ ୧୫ ଟଙ୍କା ବୃଦ୍ଧି _
ଭଡ଼ା ଗଠନକୁ ସୁବ୍ୟବସ୍ଥିତ କରିବା ଏବଂ ଯାତ୍ରୀ ସେବାର ଆର୍ଥିକ ସ୍ଥିରତା ବୃଦ୍ଧି କରିବା ଲକ୍ଷ୍ୟରେ ରେଳ ମନ୍ତ୍ରଣାଳୟ ୧ ଜୁଲାଇ ୨୦୨୫ ରୁ ଲାଗୁ ହୋଇଥିବା ଯାତ୍ରୀବାହୀ ଟ୍ରେନ୍ ସେବାର ମୌଳିକ ଭଡ଼ାକୁ ଯୁକ୍ତିଯୁକ୍ତ କରିଛି । ସଂଶୋଧିତ ଭଡ଼ା ଭାରତୀୟ ରେଳ ସମ୍ମିଳନୀ ସଂଘ (IRCA) ଦ୍ୱାରା ଜାରି କରାଯାଇଥିବା ଅପଡେଟ୍ ଯାତ୍ରୀବାହୀ ଭଡ଼ା ସାରଣୀ ଉପରେ ଆଧାରିତ ।
ଭଡ଼ା ସୁସଙ୍ଗତକରଣର ପ୍ରମୁଖ ମୁଖ୍ୟ ସୂଚନା (୧ ଜୁଲାଇ ୨୦୨୫ ଠାରୁ କାର୍ଯ୍ୟକାରୀ):
ଉପନଗର ଏକକ ଯାତ୍ରା ଭଡ଼ା ଏବଂ ସିଜନ୍ ଟିକେଟରେ କୌଣସି ପରିବର୍ତ୍ତନ ନାହିଁ (ଉଭୟ ଉପନଗର ଏବଂ ଅଣ-ଉପନଗର ରୁଟ୍ ପାଇଁ) ।
ସାଧାରଣ ଅଣ-ଏସି ଶ୍ରେଣୀ (ଅଣ-ଉପନଗର ଟ୍ରେନ୍) ପାଇଁ:
ଦ୍ୱିତୀୟ ଶ୍ରେଣୀ: ପ୍ରତି କିଲୋମିଟରରେ ଅଧା ପଇସା ବୃଦ୍ଧି କରାଯାଇଛି ଏହି ସର୍ତ୍ତ ଉପରେ ଯେ
500 କିଲୋମିଟର ପର୍ଯ୍ୟନ୍ତ କୌଣସି ବୃଦ୍ଧି ନାହିଁ
501 ରୁ 1500 କିଲୋମିଟର ଦୂରତା ପାଇଁ 5 ଟଙ୍କା ବୃଦ୍ଧି କରାଯାଇଛି
1501 ରୁ 2500 କିଲୋମିଟର ଦୂରତା ପାଇଁ 10 ଟଙ୍କା ବୃଦ୍ଧି କରାଯାଇଛି
2501 ରୁ 3000 କିଲୋମିଟର ଦୂରତା ପାଇଁ 15 ଟଙ୍କା ବୃଦ୍ଧି କରାଯାଇଛି
ସ୍ଲିପର କ୍ଲାସ: ପ୍ରତି କିଲୋମିଟରରେ 0.5 ପଇସା ବୃଦ୍ଧି କରାଯାଇଛି
ପ୍ରଥମ ଶ୍ରେଣୀ: ପ୍ରତି କିଲୋମିଟରରେ 0.5 ପଇସା ବୃଦ୍ଧି କରାଯାଇଛି
ମେଲ୍/ଏକ୍ସପ୍ରେସ୍ ଟ୍ରେନ୍ (ନନ-ଏସି):
ଦ୍ୱିତୀୟ ଶ୍ରେଣୀ: ପ୍ରତି କିଲୋମିଟରରେ 01 ପଇସା ବୃଦ୍ଧି କରାଯାଇଛି
ସ୍ଲିପର କ୍ଲାସ: ପ୍ରତି କିଲୋମିଟରରେ 01 ପଇସା ବୃଦ୍ଧି କରାଯାଇଛି
ପ୍ରଥମ ଶ୍ରେଣୀ: ପ୍ରତି କିଲୋମିଟରରେ 01 ପଇସା ବୃଦ୍ଧି କରାଯାଇଛି
ଏସି ଶ୍ରେଣୀ (ମେଲ୍/ଏକ୍ସପ୍ରେସ୍ ଟ୍ରେନ୍) ପାଇଁ:
ଏସି ଚେୟାର କାର୍, ଏସି-3 ଟାୟାର /ଏସି-3 ଟାୟାର ଇକୋନୋମି, ଏସି 2-ଟାୟାର, ଏବଂ ଏସି ପ୍ରଥମ/ଏକଜୁକୁଟିଭ ଶ୍ରେଣୀ/ଏକଜୁକୁଟିଭ ଅନୁଭୂତି: ପ୍ରତି କିଲୋମିଟରରେ ୦୨ ପଇସା ବୃଦ୍ଧି କରାଯାଇଛି ।
ଭଡ଼ା ସଂଶୋଧନ ରାଜଧାନୀ, ଶତାବ୍ଦୀ, ଦୂରନ୍ତୋ, ବନ୍ଦେ ଭାରତ, ତେଜସ, ହମସଫର, ଅମୃତ ଭାରତ, ମହାମାନ, ଗତିମାନ, ଅନ୍ତ୍ୟୋଦୟ, ଜନ ଶତାବ୍ଦୀ, ଯୁବା ଏକ୍ସପ୍ରେସ୍, ଏସି ଭିଷ୍ଟାଡୋମ୍ କୋଚ୍, ଅନୁଭୂତି କୋଚ୍ ଏବଂ ସାଧାରଣ ଅଣ-ଉପନଗର ସେବା ଭଳି ପ୍ରିମିୟର ଏବଂ ସ୍ୱତନ୍ତ୍ର ଟ୍ରେନ୍ ସେବା ପାଇଁ ମଧ୍ୟ ପ୍ରଯୁଜ୍ୟ ।
ଆନସିଲାରି ଶୁଳ୍କରେ କୌଣସି ପରିବର୍ତ୍ତନ ନାହିଁ:
ରିଜର୍ଭେସନ୍ ଫି, ସୁପରଫାଷ୍ଟ ସରଚାର୍ଜ ଏବଂ ଅନ୍ୟାନ୍ୟ ଶୁଳ୍କ ଅପରିବର୍ତ୍ତିତ ରହିଛି ।
ପ୍ରଯୁଜ୍ୟ ନିୟମ ଅନୁଯାୟୀ ଜିଏସଟି ଲାଗୁ ହେବ ।
ଭଡ଼ା ରାଉଣ୍ଡିଂ ନୀତି ବିଦ୍ୟମାନ ମାନଦଣ୍ଡ ଅନୁଯାୟୀ ରହିବ ।
କାର୍ଯ୍ୟାନ୍ୱୟନ
01.07.2025 ରେ କିମ୍ବା ତା’ପରେ ବୁକ୍ ହୋଇଥିବା ଟିକେଟ ପାଇଁ ସଂଶୋଧିତ ଭଡ଼ା ପ୍ରଯୁଜ୍ୟ ହେବ । ଏହି ତାରିଖ ପୂର୍ବରୁ ଜାରି ହୋଇଥିବା ଟିକେଟଗୁଡ଼ିକ କୌଣସି ଭଡ଼ା ସମାୟୋଜନ ବିନା ବିଦ୍ୟମାନ ଭଡ଼ାରେ ବୈଧ ରହିବ । PRS, UTS, ଏବଂ ମାନୁଆଲ୍ ଟିକେଟିଂ ସିଷ୍ଟମଗୁଡ଼ିକୁ ସେହି ଅନୁସାରେ ଅପଡେଟ୍ କରାଯାଉଛି ।
ସଂଶୋଧିତ ଭଡ଼ା ଢାଞ୍ଚାର ସୁଗମ କାର୍ଯ୍ୟାନ୍ୱୟନ ସୁନିଶ୍ଚିତ କରିବା ପାଇଁ ରେଳ ମନ୍ତ୍ରଣାଳୟ ସମସ୍ତ ଜୋନାଲ ରେଳବାଇକୁ ଆବଶ୍ୟକୀୟ ନିର୍ଦ୍ଦେଶ ଜାରି କରିଛି । ସମସ୍ତ ଷ୍ଟେସନରେ ଭଡ଼ା ପ୍ରଦର୍ଶନକୁ ଅପଡେଟ୍ କରିବାକୁ ମଧ୍ୟ ଜୋନାଲ ରେଳବାଇକୁ ନିର୍ଦ୍ଦେଶ ଦିଆଯାଇଛି ।