ସାବଧାନ ହୋଇଯାଆନ୍ତୁ ସାଧୁଗଣ । ଆଜିକାଲି ପ୍ରତି ଭାରତୀୟ ୟୁନିଫାଇଡ୍ ପେମେଂଟ ଇଂଟରଫେସ୍ (ୟୁପିଆଇ) ଜରିଆରେ ଟଙ୍କା ଦିଆନିଆ କରିବାକୁ ପସନ୍ଦ କରୁଛନ୍ତି ।
୫ ଟଙ୍କା ହେଉ ଅବା ୫ ଲକ୍ଷ । ୟୁପିଆଇ ଜରିଆରେ ଟଙ୍କା ଦେଣନେଣ ସମସ୍ତଙ୍କୁ ସୁହାଇଛି ।
କିନ୍ତୁ ଦିନକୁ ଦିନ ସରକାର ପୁରୁଣା ଆଇନକୁ ସଂଶୋଧନ କରୁଛନ୍ତି । ଯାହା ଫଳରେ ସାଙ୍ଗସାଥୀ ଅବା ବନ୍ଧୁବାନ୍ଧବଙ୍କୁ ଦୁର୍ଦ୍ଦିନ ସମୟରେ ଆର୍ଥିିକ ସହାୟତା କରିବା ‘ଆ ବଳଦ ମୋତେ ମାର’ ହେଲାଣି ।
ଆହୁରି ପଢ଼ନ୍ତୁ...
ଆୟକର ବିଭାଗର କଡ଼ା ନଜରରୁ ସାଧାରଣ ଲୋକଟିଏ ଆଉ ଖସି ପାରିବନି । ବ୍ୟାଙ୍କ ଜମାଖାତା ସହିତ ପ୍ୟାନ ନମ୍ବର, ଆଧାର ନମ୍ବର ସଂଯୁକ୍ତ କରିବା ଏବେ ପ୍ରତି ଭାରତୀୟଙ୍କୁ ଅଡୁଆରେ ପକାଇଛି ।
ଆୟକର ବିଭାଗର କଟକଣା ଅନୁସାରେ ନଗଦ ୨୦ ହଜାର ଟଙ୍କାରୁ ଅଧିକ ଟଙ୍କା ପଇଠ କଲେ, ୨୦ ହଜାର ଟଙ୍କାର ଜରିମାନା ଗଣିବାକୁ ପଡ଼ିବ । ଏହି ଜରିମାନା ରାଶି ଟଙ୍କା ଦେବା ଲୋକ ଓ ନେବା ଲୋକ ପ୍ରତି ଲାଗୁ ହେବ ।
ହାତ ଉଧାରି ହେଉ କି ଉପହାର ବାବଦ ହେଉ, ୨୦ ହଜାରକୁ ଲୟ ରଖି ଚାଲରେ ବାବୁ ବାଟ ।