ଭୁବନେଶ୍ୱର: ଭୁବନେଶ୍ୱରସ୍ଥିତ ଏମ୍ସରେ ୨୦ ଡିସେମ୍ବର ୨୦୨୫ରେ ପ୍ରଥମ ଲିଭର ପ୍ରତିରୋପଣ ସଫଳ ହୋଇଛି। ଏହା ତୃତୀୟ ସ୍ୱାସ୍ଥ୍ୟସେବାରେ ଏକ ଐତିହାସିକ ମାଇଲଖୁଂଟ। ଓଡ଼ିଶା ଓ ପଡୋଶୀ ରାଜ୍ୟର ଲୋକମାନଙ୍କୁ ଉନ୍ନତ ଏବଂ ଜୀବନ ରକ୍ଷାକାରୀ ଚିକିତ୍ସା ସେବା ପ୍ରଦାନ କରିବା ପ୍ରତି ଏହାର ପ୍ରତିବଦ୍ଧତାକୁ ପୁନଃନିର୍ଦ୍ଦେଶ କରିଛି। ଏମ୍ସ ଭୁବନେଶ୍ୱରରେ ଲିଭର ପ୍ରତିରୋପଣ କାର୍ଯ୍ୟକ୍ରମ ୨୦୨୩ ମସିହାରେ କାର୍ଯ୍ୟକାରୀ ନିର୍ଦ୍ଦେଶକ ପ୍ରଫେସର (ଡକ୍ଟର) ଆଶୁତୋଷ ବିଶ୍ୱାସଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱରେ ପରିକଳ୍ପନା କରାଯାଇଥିଲା। ସେହି ବର୍ଷ ଏହି କାର୍ଯ୍ୟକ୍ରମ ଆରମ୍ଭ କରିବା ପାଇଁ ସରକାରୀ ଲାଇସେନ୍ସ ପାଇଥିଲା। ଏକ ପ୍ରମୁଖ ପଦକ୍ଷେପ ସ୍ୱରୂପ, ଯକୃତ ପ୍ରତିରୋପଣ ବାହ୍ୟ ରୋଗୀ ବିଭାଗ (ଙଚଊ) ୨୧ ଫେବୃଆରୀ ୨୦୨୫ ରେ କାର୍ଯ୍ୟକ୍ଷମ ହୋଇଥିଲା। ପ୍ରତିରୋପଣ ସେବାକୁ ଆହୁରି ସୁଦୃଢ଼ କରିବା ପାଇଁ, ୧୦ ଶଯ୍ୟା ବିଶିଷ୍ଟ, ଅତ୍ୟନ୍ତ ଉନ୍ନତ ପ୍ରତିରୋପଣ ଇଂଟେନ୍ସିଭ୍ କେୟାର ୟୁନିଟ୍ (ଓଉଟ) ନଭେମ୍ବର ୨୦୨୫ଠାରୁ ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇଛି।
କାର୍ଯ୍ୟକାରୀ ନିର୍ଦ୍ଦେଶକ ଡକ୍ଟର ଆଶୁତୋଷ ବିଶ୍ୱାସ ସମଗ୍ର ପ୍ରତିରୋପଣ ଦଳକୁ ଅଭିନନ୍ଦନ ଜଣାଇ ଓଡ଼ିଶା ଏବଂ ଦେଶର ଲୋକମାନଙ୍କୁ ନୂତନ ଅଭିନବ ପ୍ରକ୍ରିୟା ଏବଂ ସେବା ପ୍ରଦାନ କରିବାର ପ୍ରତିବଦ୍ଧତାକୁ ପୁନର୍ବାର ଦୋହରାଇଛନ୍ତି। ଯକୃତ ପ୍ରତିରୋପଣ ଗ୍ରହଣକାରୀ ଭଲ ହେଉଛନ୍ତି, ଏବଂ ନିକଟ ସମ୍ପର୍କୀୟ ଦାତା, ଗ୍ରହଣକାରୀଙ୍କ ସାନ ଭାଇ, ମଧ୍ୟ ଏକ ଅପ୍ରତ୍ୟାଶିତ ଆରୋଗ୍ୟ ହାସଲ କରିଛନ୍ତି ଏବଂ ଏହି ସପ୍ତାହର ଆରମ୍ଭରେ ତାଙ୍କୁ ଡିସ୍ଚାର୍ଜ କରାଯାଇଛି। ଯକୃତ ପ୍ରତିରୋପଣ ଗ୍ରହଣକାରୀ ଓଡ଼ିଶାର ପୁରୀ ଜିଲ୍ଲାର ପିପିଲିର ଜଣେ ୩୭ ବର୍ଷୀୟ ବ୍ୟକ୍ତି। ଦାତା ଜଣେ ୩୦ ବର୍ଷୀୟ ପୁରୁଷ, ଗ୍ରହଣକାରୀଙ୍କ ନିଜ ଭାଇ, ଯିଏ ସ୍ୱେଚ୍ଛାକୃତ ଭାବରେ ପ୍ରେମ ଏବଂ ସ୍ନେହ ହେତୁ ତାଙ୍କ ଯକୃତର ଏକ ଅଂଶ ଦାନ କରିଥିଲେ, କୌଣସି ଆର୍ଥିକ କିମ୍ବା ଭୌତିକ ବିଚାର ବିନା। ୫୦ ରୁ ଅଧିକ ସଦସ୍ୟଙ୍କୁ ନେଇ ଗଠିତ ଅସ୍ତ୍ରୋପଚାର ଦଳ ପ୍ରାୟ ୧୪ ଘଂଟା ସମୟ ଧରି ଯକୃତ ପ୍ରତିରୋପଣ କରିଥିଲା।
ଉତ୍କର୍ଷତା ଏବଂ ସ୍ଥାୟୀ କ୍ଷମତା ନିର୍ମାଣ ସୁନିଶ୍ଚିତ କରିବା ପାଇଁ, ଇଓଓଗଝ ଭୁବନେଶ୍ୱର, ନୂଆଦିଲ୍ଲୀର ଲିଭର ଆଣ୍ଡ୍ ବିଲିଆରି ସାଇନ୍ସେସ୍ ସଂସ୍ଥାନ (ଓଖଈଝ), ସହିତ ଏକ ବୁଝାମଣାପତ୍ର କରିଛି ଯାହା ଦେଶର ପ୍ରମୁଖ ସରକାରୀ କ୍ଷେତ୍ର ପ୍ରତିଷ୍ଠାନ ଅଟେ ଯାହା କେବଳ ଯକୃତ ଏବଂ ପିତ ରୋଗ ପାଇଁ ସମର୍ପିତ। ନୂଆଦିଲ୍ଲୀର ଓଖଈଝ ଲିଭର ଟ୍ରାନ୍ସପ୍ଲାଂଟ୍ ସର୍ଜରୀ ମୁଖ୍ୟ ପ୍ରଫେସର ଡକ୍ଟର ବିନୟେନ୍ଦ୍ର ପାମେଚା ଏବଂ ତାଙ୍କ ବିଶେଷଜ୍ଞ ଦଳର ମାର୍ଗଦର୍ଶନରେ ଡକ୍ଟର ବ୍ରହ୍ମଦତ ପଟ୍ଟନାୟକ, ଡକ୍ଟର ତନ୍ମୟ ଦତ ଏବଂ ଡକ୍ଟର ସୁନିତା ଗୁପ୍ତାଙ୍କ ନେତୃତ୍ୱରେ ଯକୃତ ପ୍ରତିରୋପଣ କରାଯାଇଥିଲା। ଡକ୍ଟର ସୁବ୍ରତ କୁମାର ସାହୁ, ଜଣେ ତାଲିମପ୍ରାପ୍ତ ଶିଶୁ ଯକୃତ ପ୍ରତିରୋପଣ ସର୍ଜନ, ମଧ୍ୟ ଶଲ୍ୟଚିକିତ୍ସା ଦଳର ଜଣେ ପ୍ରମୁଖ ସଦସ୍ୟ ଥିଲେ। ଏହି କାର୍ଯ୍ୟକ୍ରମକୁ ମେଡିକାଲ୍ ଅଧୀକ୍ଷକ ଡକ୍ଟର ଦିଲ୍ଲୀପ କୁମାର ପରିଡା, ଊଊଇ ଲେଫ୍ଟନାଂଟ୍ କର୍ଣ୍ଣେଲ ଅଭିଜିତ ସରକାର, ଶିଶୁ ଶଲ୍ୟଚିକିତ୍ସା ବିଭାଗର ମୁଖ୍ୟ ଏବଂ ଓଟି କମିଟି ଅଧ୍ୟକ୍ଷ ଡକ୍ଟର ମନୋଜ କୁମାର ମହାନ୍ତିଙ୍କଠାରୁ ଦୃଢ଼ ଅନୁଷ୍ଠାନିକ ସମର୍ଥନ ମିଳିଥିଲା। ବିଶେଷଜ୍ଞ ଆନାସ୍ଥେସିଆ ସହାୟତା ଡକ୍ଟର ସତ୍ୟଜିତ ମିଶ୍ର, ଆନାସ୍ଥେସିଆ ଏବଂ କ୍ରିଟିକାଲ୍ କେୟାରର ମୁଖ୍ୟ ଡାକ୍ତର ଶ୍ରୀତମ ସ୍ୱରୂପ ଜେନା ଏବଂ ଡକ୍ଟର ପ୍ରଶାନ୍ତ କୁମାର ଦାସ ପ୍ରଦାନ କରିଥିଲେ। ଡାକ୍ଟର ତାରା ପ୍ରସାଦ ତ୍ରିପାଠି ଏବଂ ଡାକ୍ଟର ରଞ୍ଜନ କୁମାର ପଟେଲ ରେଡିଓଲୋଜିକାଲ୍ ସହାୟତା ସୁନିଶ୍ଚିତ କରିଥିଲେ। ଡାକ୍ଟର ମାନସ କୁମାର ପାଣିଗ୍ରାହୀ (ଡିଏଚଓଡି, ଗ୍ୟାଷ୍ଟ୍ରୋଏଟେରୋଲୋଜି ବିଭାଗ) ଏବଂ ଡାକ୍ଟର ହେମନ୍ତ କୁମାର ନାୟକଙ୍କ ନେତୃତ୍ୱରେ ରୋଗୀଙ୍କୁ ଯକୃତ ପ୍ରତିରୋପଣ ପାଇଁ ସତର୍କତାର ସହ ଅପ୍ଟିମାଇଜ୍ କରାଯାଇଥିଲା। ଡାକ୍ଟର ସୋମନାଥ ମୁଖାର୍ଜୀ (ଡିଏଚଓଡି), ଡାକ୍ଟର ଅଂଶୁମାନ ସାହୁ ଏବଂ ସେମାନଙ୍କର ଉତ୍ସର୍ଗୀକୃତ ଦଳ ଦ୍ୱାରା ବ୍ୟାପକ ରକ୍ତଭଣ୍ଡାର ସେବା ଯୋଗାଇ ଦିଆଯାଇଥିଲା। ନର୍ସିଂ ଅଧୀକ୍ଷକ ଡକ୍ଟର ଭି. ମହାଲିଙ୍ଗମଙ୍କ ନେତୃତ୍ୱରେ ନର୍ସିଂ ଏବଂ କ୍ରିଟିକାଲ୍ କେୟାର ନର୍ସିଂ ବୃତିଗତଙ୍କ ଏକ ପ୍ରତିବଦ୍ଧ ଦଳ ଦ୍ୱାରା ସମର୍ଥିତ ନର୍ସିଂ ସେବା ପ୍ରତିରୋପଣର ସଫଳତାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ଶ୍ରୀ ଦୀପକ ନାରାୟଣଙ୍କ ଦ୍ୱାରା ଅଙ୍ଗ ପ୍ରତିରୋପଣ ରୋଗୀ ପରାମର୍ଶ ପ୍ରକ୍ରିୟା ସମନ୍ୱିତ ହୋଇଛି। ପ୍ରକାଶ କୁମାର ସ୍ୱାଇଁଙ୍କ ନେତୃତ୍ୱରେ ଦଳ ଦ୍ୱାରା ବୈଷୟିକ ସହାୟତା ଯୋଗାଇ ଦିଆଯାଇଥିଲା। କେବଳ ଓଡ଼ିଶା ନୁହେଁ ବରଂ ପଡେ଼ାଶୀ ରାଜ୍ୟଗୁଡ଼ିକରୁ ମଧ୍ୟ ଏମ୍ସ ଭୁବନେଶ୍ୱରରେ ଯକୃତ ପ୍ରତିରୋପଣ ରୋଗୀଙ୍କ ଅପେକ୍ଷା ତାଲିକା ବୃଦ୍ଧି ପାଉଛି। ପ୍ରତି ମଙ୍ଗଳବାର ଦିନ ୨:୩୦ ରୁ ଲିଭର ପ୍ରତିରୋପଣ ଓପିଡି ଅନୁଷ୍ଠିତ ହେଉଛି।