କାକଟପୁର ତହସିଲଦାରଙ୍କ ଦବଙ୍ଗଗିରି

​କାକଟପୁର :- କାକଟପୁର ତହସିଲଦାରଙ୍କ କାର୍ଯ୍ୟକଳାପକୁ ନେଇ ଏବେ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଜନସାଧାରଣଙ୍କ ମଧ୍ୟରେ ଚର୍ଚ୍ଚା ହେଉଛି ଯେ, ପ୍ରଶାସନର ଆଇନ କ’ଣ କେବଳ ଧର୍ମାନୁଷ୍ଠାନ ପାଇଁ? ସଂରକ୍ଷିତ କିସମ ଜମିରେ ବଡ଼ ବଡ଼ ଅଟ୍ଟାଳିକା ଠିଆ ହୋଇଥିଲେ ମଧ୍ୟ ତହସିଲଦାରଙ୍କ ଆଖି ସେଠାରେ ପଡ଼ୁନାହିଁ, କିନ୍ତୁ ଶ୍ରୀରାମପୁରସ୍ଥିତ ହନୁମାନ ମନ୍ଦିରକୁ ଭାଙ୍ଗିବା ପାଇଁ ପ୍ରଶାସନ ତତ୍ପରତା ପ୍ରକାଶ କରିବା ଏବେ ବିବାଦର ମୁଖ୍ୟ କାରଣ ସାଜିଛି।

​ଶ୍ରୀରାମପୁର ଗ୍ରାମରେ ଥିବା ପ୍ରାଚୀନ ହନୁମାନ ମନ୍ଦିରକୁ ପ୍ରଶାସନ ପକ୍ଷରୁ ଅବୈଧ ଦର୍ଶାଇ ଭାଙ୍ଗିବା  ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ଶ୍ରଦ୍ଧାଳୁ ଓ ଗ୍ରାମବାସୀ ଏହାକୁ ତୀବ୍ର ବିରୋଧ କରିଛନ୍ତି। ଅଭିଯୋଗ ହେଉଛି ଯେ, ସେହି ସମାନ କିସମ ଜମିରେ ଅନେକ ପ୍ରଭାବଶାଳୀ ବ୍ୟକ୍ତି ଦୀର୍ଘ ବର୍ଷ ହେବ ବେଆଇନ ଭାବେ ଅଟ୍ଟାଳିକା ନିର୍ମାଣ କରି ସିକ୍ୟୁରିଟ ରଖି ଭଡ଼ା ରେ ଲଗାଉ ଥିଲେ ମଧ୍ୟ ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ।

​ମନ୍ଦିର ଭଙ୍ଗା ଯିବା ଖବର ପ୍ରସାରିତ ହେବା ପରେ ବଜରଙ୍ଗୀ ଦଳ ପକ୍ଷରୁ କଡ଼ା ଚେତାବନୀ ଦିଆଯାଇଛି। କାକଟପୁର ପ୍ରଖଣ୍ଡ ସଭାପତି କାବୁଲି ବିଶ୍ୱାଳ ଏ ସମ୍ପର୍କରେ ସୂଚନା ଦେଇ କହିଛନ୍ତି ଯେ, “ଧର୍ମାନୁଷ୍ଠାନ ଉପରେ ପ୍ରଶାସନର ଏଭଳି ଆକ୍ରୋଶମୂଳକ କାର୍ଯ୍ୟାନୁଷ୍ଠାନକୁ ଆଦୌ ବରଦାସ୍ତ କରାଯିବ ନାହିଁ। ଯଦି ପ୍ରଶାସନ ନିଜ ନିଷ୍ପତ୍ତି ବିରୋଧରେ ବଜରଙ୍ଗୀ ଦଳ ରାଜାରାସ୍ତାକୁ ଓହ୍ଲାଇବ।​ସଂରକ୍ଷିତ ଜମିରେ ଥିବା ଅଟ୍ଟାଳିକାଗୁଡ଼ିକ ତହସିଲଦାରଙ୍କୁ ଦୃଶ୍ୟମାନ ହେଉନାହିଁ କାହିଁକି? ​କେଉଁ ଆଧାରରେ ମନ୍ଦିରକୁ ଭାଙ୍ଗିବା ପାଇଁ ନିଷ୍ପତ୍ତି ନିଆଗଲା?

​ଆଇନର ପ୍ରୟୋଗରେ ଏଭଳି ପକ୍ଷପାତିତା କାହିଁକି?

​ପ୍ରଶାସନର ଏହି ଏକପାଖିଆ ନିଷ୍ପତ୍ତି ବିରୋଧରେ ଆଗାମୀ ଦିନରେ ଆନ୍ଦୋଳନ ଆହୁରି ଜୋରଦାର ହେବାର ସମ୍ଭାବନା ରହିଛି। ଏ ସମ୍ପର୍କରେ କାକଟପୁର ଥାନାରେ ଲିଖିତ ଅଭିଯୋଗ ହେଇଛି ରିପୋର୍ଟ ଲେଖା ହେବା ପର୍ଯ୍ୟନ୍ତ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ।