ଜାଲରେ ବିରଳ ମାଛ: ଯାହାର ଦାନ୍ତ ମଣିଷ ଭଳିଆ

ନୂଆଦିଲ୍ଲୀ: ଉତ୍ତର କାରୋଲିନାର ଉପକୂଳରେ ଜଣେ ମାଛ ଧରାଳି ଏକ ବିରଳ ମାଛ ଧରିଛନ୍ତି । ଯାହାର ଦାନ୍ତ ଦେଖିବାକୁ ଠିକ ମଣିଷ ଦାନ୍ତ ଭଳି । ଜେନେଟ୍‌ସ ପିଅର ନାମକ ଫେସବୁକ ପେଜରେ ମାଛର ଫଟୋ ଶେୟାର କରାଯାଇଛି । ଫଟୋ ସହିତ କ୍ୟାପସନରେ ଉଲ୍ଲେଖ ହୋଇଛି ‘ଧୀବର ନଥନ ମାର୍ଟିନ ସୁନ୍ଦର ଦାନ୍ତଯୁକ୍ତ ଶିପଶେଡ ମାଛ ଧରିଛନ୍ତି । ଚର୍ମରେ ବିରଳ କଳା-ଧଳା ପଟି ଯୋଗୁ ଏମାନେ ‘କନଭିକ୍ଟ ଫିଶ’ ଭାବେ ପରିଚିତ । ଏହି ମାଛର ଓଜନ ସାଧାରଣତଃ ୫ରୁ ୧୫ ପାଉଣ୍ଡର ହୋଇଥାଏ । ତେବେ କେବଳ ମଣିଷ ଭଳି ଦାନ୍ତ ନୁହେଁ । ଶାର୍କ ଭଳି ଧାଡ଼ି ହୋଇ ରହିଥିବା ଏହାର ଦାନ୍ତ ସ୍ପଷ୍ଟ ଦିଶୁଛି । ଅଧିକାଂଶ ଶିପ୍‌ ଶେଡ ମାଛଙ୍କର ଦୁଇ ତିନି ଧାଡ଼ି ଅତ୍ୟନ୍ତ ଶକ୍ତିଶାଳୀ ଦାନ୍ତ ଥାଏ ।