ଆଶ୍ଚର୍ଯ୍ୟ ହେଉଛନ୍ତି? ଡିଜିଟାଲ ଯୁଗରେ, ଯେତେବେଳେ ଆମେ ଆମ ପକେଟରେ ଏକ ୱାଲେଟ ବିନା ମୋବାଇଲ ଫୋନରେ ଛଜ କୋଡ୍ ସ୍କାନ କରି ସବୁକିଛି କରିଥାଉ। ଆପଣ କ’ଣ ବିଶ୍ୱାସ କରିବେ ଯେ ବିଶ୍ୱରେ ଏପରି ଦେଶ ଅଛି ଯେଉଁଠାରେ ସୁନା ଏବଂ ରୂପା ମୁଦ୍ରା ଏବେ ବି ସାମାନ୍ୟ ଟଙ୍କା ଭଳି ପ୍ରଚଳନ ହେଉଛି।
ହଁ, ଏହା ରାଜା ଏବଂ ସମ୍ରାଟଙ୍କ ସମୟର କାହାଣୀ ନୁହେଁ, ବରଂ ୨୦୨୬ରେ ବି ଏମିତି ହେଉଛି। ଆସନ୍ତୁ ଜାଣିବା ସେହି ଦେଶଗୁଡ଼ିକ ବିଷୟରେ ଯେଉଁମାନେ ଡିଜିଟାଲ ସୁନା ଯୁଗରେ ମଧ୍ୟ ପ୍ରକୃତ ଧାତୁର ଚମକ ବଜାୟ ରଖିଛନ୍ତି।
ଆମେରିକା: ବିଶ୍ୱର ସର୍ବବୃହତ ଅର୍ଥନୀତି, ଆମେରିକାରେ, ଆମେରିକୀୟ ଇଗଲ୍ସ ନାମକ ସୁନା ଏବଂ ରୂପା ମୁଦ୍ରା ଆଇନଗତ ଟେଣ୍ଡର ଅଟେ। ଏହି ମୁଦ୍ରାଗୁଡ଼ିକୁ ୫, ୧୦, କିମ୍ୱା ୫୦ ଡଲାର ମୂଲ୍ୟରେ ବିନ୍ୟାସ କରାଯାଏ। ତଥାପି, ଧାତୁର ମୂଲ୍ୟ ଉପରେ ର୍ନିଭର କରି ସେମାନଙ୍କର ପ୍ରକୃତ ମୂଲ୍ୟ ହଜାର ହଜାର ଡଲାର। ଲୋକମାନେ କେବଳ ସେମାନଙ୍କ ପିଗି ବ୍ୟାଙ୍କରେ ସେଗୁଡ଼ିକୁ ରଖନ୍ତି ନାହିଁ, ବରଂ ଆର୍ଥିକ ସଙ୍କଟ ସମୟରେ, ଏହି ମୁଦ୍ରାଗୁଡ଼ିକ ଦେଶର ସରକାରୀ ମୁଦ୍ରା ଭାବରେ କାର୍ଯ୍ୟ କରେ।
ଚୀନ: ଚୀନ କେନ୍ଦ୍ରୀୟ ବ୍ୟାଙ୍କ ଦ୍ୱାରା ସୁନା ପାଣ୍ଡା ମୁଦ୍ରା ଜାରି କରାଯାଏ। ଏହି ମୁଦ୍ରାଗୁଡ଼ିକର ପାଣ୍ଡା ଡିଜାଇନ ପ୍ରତିବର୍ଷ ପରିବର୍ତନ ହୁଏ, ଯାହା ଫଳରେ ସାରା ବିଶ୍ୱରେ ସଂଗ୍ରାହକମାନେ ଏହାକୁ ମୂଲ୍ୟବାନ କରନ୍ତି। ଚୀନରେ, ଏହି ମୁଦ୍ରାଗୁଡ଼ିକୁ ନିବେଶର ସବୁଠାରୁ ସୁରକ୍ଷିତ ରୂପ ଭାବରେ ବିବେଚନା କରାଯାଏ ଏବଂ ଅନେକ ଦୋକାନ ଏବଂ ବ୍ୟାଙ୍କରେ ନଗଦ କିମ୍ୱା ସାମଗ୍ରୀ ପାଇଁ ସହଜରେ ବିନିମୟ କରା ଯାଇପାରିବ।
ସ୍ୱିଜରଲ୍ୟାଣ୍ଡ: ସ୍ୱିଜରଲାଣ୍ଡ ବିଶ୍ୱର ଲକର୍ ଭାବରେ ଜଣାଶୁଣା। ଏଠାରେ ଭ୍ରେନେଲି ନାମକ ସୁନା ମୁଦ୍ରା ବହୁତ ଲୋକପ୍ରିୟ। ସ୍ୱିସ୍ ଲୋକମାନେ ନୋଟ ବଦଳରେ ଜନ୍ମଦିନ କିମ୍ୱା ବିଶେଷ ଅବସରରେ ଏହି ସୁନା ମୁଦ୍ରାଗୁଡ଼ିକୁ ସେମାନଙ୍କ ପିଲାମାନଙ୍କୁ ଦେବାକୁ ପସନ୍ଦ କରନ୍ତି। ସୁନା ଅର୍ଥନୀତିରେ ଏତେ ଗଭୀର ଭାବରେ ସ୍ଥାପିତ ଯେ ଏହି ମୁଦ୍ରାଗୁଡ଼ିକୁ କେବେବି ମୂଲ୍ୟହୀନ ଭାବେ ବିବେଚନା କରାଯାଏ ନାହିଁ।