ଧର୍ମେନ୍ଦ୍ରଙ୍କ ଧ୍ରୁତରାଷ୍ଟ୍ର ପ୍ରଧାନମନ୍ତ୍ରୀ ମୋଦୀ ନୁହନ୍ତି ତ?
ମୋଦୀଙ୍କ ପାଖରେ ଦୁର୍ନୀତିର ୩୬ କଳା, ନବୀନ ମାତ୍ର ୧୩
ମୋଦୀ-ନବୀନ ବାସ୍ତବରେ ବଡେ଼ ମିଅାଁ-ଛୋଟେ ମିଅାଁ
ବିଜେପିର ସଂଯୁକ୍ତ ମୋର୍ଚ୍ଚା ସମ୍ମିଳନୀରେ ଧର୍ମେନ୍ଦ୍ର ପ୍ରଧାନଙ୍କ ଅଭିଭାଷଣ ଶୁଣିବା ପରେ ଏନ୍ୟୁବିସି ନେତା ସୀତାରାମ ଏକ ସମ୍ବାଦ ସଂସ୍ଥାକୁ ସାକ୍ଷାତକାର ଦେଇ କହିଛନ୍ତି, କେନ୍ଦ୍ରର ନରେନ୍ଦ୍ର ଓ ରାଜ୍ୟର ନବୀନ ରାଜ୍ୟବାସୀଙ୍କୁ ସବୁ ଦିଗରୁ ଶୋଷଣ କରି ଚାଲିଛନ୍ତି । କ୍ଷମତାରେ ରହି ଯାହା ଲୁଟୁଛନ୍ତି; ସେଇଆକୁ ଲୋକଙ୍କୁ ଦେଇ ଭୋଟ କିଣୁଛନ୍ତି । ଦୁହେଁ ଦୁହିଁଙ୍କର ପରିପୂରକ । ଲୋକଙ୍କ ଦୃଷ୍ଟିରେ ସେମାନେ ପରସ୍ପର ବିରୋଧୀ । ପ୍ରକୃତପକ୍ଷେ ନବୀନ-ମୋଦୀ ବଡେ ମିଅାଁ- ଛୋଟେ ମିଅାଁ । ଧର୍ମେନ୍ଦ୍ର ଯେଉଁ ବାହାପିଆ ନୀତି କଥା କହୁଛନ୍ତି; ବାହାପିଆ କଥା କହିବାରେ ମୋଦୀଙ୍କଠାରୁ ବଡ଼ ଓସ୍ତାଦ ଆଉ କିଏ ଅଛି? ଆଖିରେ ଅନ୍ଧପୁଟୁଳି ବାନ୍ଧି ଶାସନ କରିବାର ୩୬ଟି କଳା ମୋଦୀଙ୍କ ପାଖରେ ଅଛି । ନବୀନ ପଟ୍ଟନାୟକ ମାତ୍ର ୧୩ଟି କଳା ଅଛି ।