ନୂଆଦିଲ୍ଲୀ: ଏଲନ ମସ୍କ ତିଆରି କରିଛନ୍ତି ମଣିଷ ଆକୃତିର ରୋବଟ୍ ଯାହା ଅବିକଳ ମଣିଷଙ୍କ ଭଳି ଆଚରଣ କରୁଛି । ସୋସିଆଲ ମିଡିଆରେ ପ୍ରସାରିତ ଭିଡିଓରୁ ଆପଣମାନେ ମସ୍କଙ୍କ ମଣିଷ ରୂପୀ ରୋବଟର କାମଗୁଡ଼ିକୁ ଦେଖିପାରିବେ । ରୋବଟଟି ଗୋଟିଏ ପୋଷାକ ଇସ୍ତ୍ରି କରୁଛି ଯାହା ଅନେକଙ୍କୁ ଆମୋଦିତ କରିଛି । ୟା’ ପୂର୍ବରୁ ରୋବଟ ସୂର୍ଯ୍ୟ ନମସ୍କାର କରିଥିବା ସମସ୍ତେ ଦେଖି ସାରିଛନ୍ତି ।
ଆହୁରି ପଢ଼ନ୍ତୁ...
ସୋସିଆଲ ମିଡିଆ ‘ଏକ୍ସ’ରେ ପ୍ରସାରିତ ଭିଡିଓରେ ରୋବଟ ହାତଯୋଡ଼ି ମସ୍କଙ୍କୁ ପ୍ରଣାମ କରିଥିଲା । ବାଲଟିରୁ ଟି-ସାର୍ଟ ବାହାର କରି ଟେବୁଲ ଉପରେ ରଖି ଭାଙ୍ଗ କରି ରଖୁଥିଲା ।
ମସ୍କ ଲେଖିଛନ୍ତି, ଆପଣମାନେ ଦେଖୁଥିବା ରୋବଟ୍ ତା’ ମର୍ଜିରେ କୌଣସି କାମ କରୁନି । ଏବେ ମୋ ଆଦେଶକୁ ପାଳନ କରୁଛି ରୋବଟ । ମାତ୍ର ଆଗାମୀ ଦିନରେ ରୋବଟ୍ ସାଧାରଣ ଲୋକଙ୍କ ଭଳି ଆଚରଣ କରିବ ।