ଜିଏସଟି କ୍ଷତିପୂରଣ ବାବଦରେ ଓଡ଼ିଶାକୁ କେନ୍ଦ୍ର ସରକାରଙ୍କ ଠାରୁ ୫୨୪ କୋଟି ଟଙ୍କା ମିଳିଛି ।
ଅକ୍ଟୋବର ୨୦୨୨ ସୁଦ୍ଧା ମୋଟ୍ ୭୨,୧୪୭ କୋଟି ଟଙ୍କାର ସେସ୍ ବା ଉପକର ସଂଗ୍ରହ ହୋଇଥିବା ସତ୍ତ୍ବେ କେନ୍ଦ୍ର ସରକାର ନିଜସ୍ବ ଉତ୍ସରୁ ବଳକା ୪୩,୫୧୫ କୋଟି ଟଙ୍କାର କ୍ଷତିପୂରଣ ରାଶି ରାଜ୍ୟମାନଙ୍କୁ ଯୋଗାଇ ଦେଇଛନ୍ତି । କେନ୍ଦ୍ର ସରକାର ଏହି ଅର୍ଥରାଶି ଜାରି କରିବା ସହିତ ଚଳିତ ଆର୍ଥିକ ବର୍ଷର ମାର୍ଚ୍ଚ ସୁଦ୍ଧା ସଂଗ୍ରହ କରାଯିବାକୁ ଥିବା ଆନୁମାନିକ ସେସର ସମ୍ପୂର୍ଣ୍ଣ ପରିମାଣ, ଅଗ୍ରୀମ ଆକାରରେ, ରାଜ୍ୟମାନଙ୍କୁ କ୍ଷତିପୂରଣ ଭାବେ ଯୋଗାଇ ଦେଇଛନ୍ତି । ରାଜ୍ୟମାନଙ୍କୁ ସେମାନଙ୍କର ସମ୍ବଳ ପରିଚାଳନାରେ ସହାୟତା ଲାଗି ଏହି ନିଷ୍ପତ୍ତି ନିଆଯାଇଛି । ଯାହାଫଳରେ ସେମାନେ ଚଳିତ ଆର୍ଥିକ ବର୍ଷରେ ନିଜର ବିଭିନ୍ନ ଯୋଜନା ଓ କାର୍ଯ୍ୟକ୍ରମ, ବିଶେଷ କରି ପୁଞ୍ଜି ବ୍ୟୟ କାର୍ଯ୍ୟକ୍ରମକୁ ସଫଳତା ପୂର୍ବକ କାର୍ଯ୍ୟକାରୀ କରିପାରିବେ ।
ଚଳିତ ବର୍ଷ ମେ’ ମାସରେ, ଜିଏସଟି କ୍ଷତିପୂରଣ ପାଣ୍ଠିରେ ମାତ୍ର ୨୫ ହଜାର କୋଟି ଟଙ୍କା ଥିବା ସତ୍ତ୍ବେ କେନ୍ଦ୍ର ସରକାର ଫେବୃଆରୀ-ମେ’ ୨୦୨୨ରେ ରାଜ୍ୟମାନଙ୍କୁ ପ୍ରାରମ୍ଭିକ ଜିଏସଟି କ୍ଷତିପୂରଣ ଆକାରରେ ୮୬ ହଜାର ୯୧୨ କୋଟି ଟଙ୍କା ଯୋଗାଇ ଦେଇଥିଲେ । ଏଥିପାଇଁ କେନ୍ଦ୍ର ସରକାର ନିଜସ୍ବ ଉତ୍ସରୁ ୬୨ ହଜାର କୋଟି ଟଙ୍କାର ପାଣ୍ଠି ଯୋଗାଡ଼ କରିଥିଲେ ।
ରାଜ୍ୟ ଓ କେନ୍ଦ୍ରଶାସିତ ପ୍ରଦେଶମାନଙ୍କୁ ଜାରି କରାଯାଇଥିବା ଜିଏସଟି କ୍ଷତିପୂରଣ ଅର୍ଥରାଶିର ବିବରଣୀ ନିମ୍ନ ସାରଣୀରେ ଦିଆଗଲା:
ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶଙ୍କ ନାମ | (ଟଙ୍କା କୋଟିରେ) |
ଆନ୍ଧ୍ରପ୍ରଦେଶ | 682 |
ଆସାମ | 192 |
ବିହାର | 91 |
ଛତିଶଗଡ଼ | 500 |
ଦିଲ୍ଲୀ | 1,200 |
ଗୋଆ | 119 |
ଗୁଜରାଟ | 856 |
ହରିୟାଣା | 622 |
ହିମାଚଳ ପ୍ରଦେଶ | 226 |
ଜମ୍ମୁ ଓ କଶ୍ମୀର | 208 |
ଝାଡ଼ଖଣ୍ଡ | 338 |
କର୍ଣ୍ଣାଟକ | 1,915 |
କେରଳ | 773 |
ମଧ୍ୟପ୍ରଦେଶ | 722 |
ମହାରାଷ୍ଟ୍ର | 2,081 |
ଓଡ଼ିଶା | 524 |
ପୁଡୁଚେରୀ | 73 |
ପଞ୍ଜାବ | 984 |
ରାଜସ୍ଥାନ | 806 |
ତାମିଲନାଡ଼ୁ | 1,188 |
ତେଲଙ୍ଗାନା | 542 |
ଉତ୍ତର ପ୍ରଦେଶ | 1,202 |
ଉତ୍ତରାଖଣ୍ଡ | 342 |
ପଶ୍ଚିମବଙ୍ଗ | 814 |
ମୋଟ୍ | 17,000 |