ନୂଆଦିଲ୍ଲୀ: ମହାମାରୀ କରୋନା ସଂକ୍ରମଣ କ୍ରମେ ହ୍ରାସ ପାଉଥିବା ସତ୍ତ୍ୱେ ରାଜଧାନୀ ଦିଲ୍ଲୀରେ ଲାଗୁ କରାଯାଇଥିବା ଲକଡାଉନକୁ ଆଉ ସପ୍ତାହେ ବୃଦ୍ଧି କରାଯାଇଛି। ପୂର୍ବରୁ ଲାଗିଥିବା ଲକଡାଉନ ସୋମବାର ଶେଷ ହେବାର ଥିଲା। ହେଲେ ଆଜି କେଜ୍ରିୱାଲ ସରକାର ଜୁନ୍ ୭ ଯାଏ ଏହାକୁ ବୃଦ୍ଧି କରିଛନ୍ତି। ଜୁନ୍ 7 (ସୋମବାର) ରେ ସକାଳ 5 ଟା ପର୍ଯ୍ୟନ୍ତ କିମ୍ବା ଯାହା ପୂର୍ବରୁ ଅଛି ତାହା ପରବର୍ତ୍ତୀ ନିର୍ଦ୍ଦେଶ ।
ତେବେ ଜୁନ୍ ୭ ତାରିଖ ଯାଏ ଲାଗୁ ଲକଡାଉନ ବେଳେ କିଛି କ୍ଷେତ୍ରରେ କୋହଳ ନୀତି ଅବଲମ୍ବନ କରାଯାଇଛି। ପୂର୍ବଭଳି ଲକଡାଉନ ବେଳେ ଜରୁରୀ ସେବା ଜାରି ରହିବ। ଏହାବାଦ୍ କଣ୍ଟେନମେଣ୍ଟ ଜୋନ ବାହାରେ ଥିବା ଶିଳ୍ପାଞ୍ଚଳରେ ମ୍ୟାନୁଫାକଚରିଂ/ ଉତ୍ପାଦନ କାର୍ଯ୍ୟ ଆରମ୍ଭ ହେବ। ନିର୍ମାଣ କାମକୁ ମଧ୍ୟ ସରକାର ଅନୁମତି ଦେଇଛନ୍ତି।
ଏହି ଉତ୍ପାଦନ ଓ ନିର୍ମାଣ କାମରେ କେବଳ ଲକ୍ଷଣହୀନ ଲୋକ ଯୋଗ ଦେଇପାରିବେ। ସାମାଜିକ ଦୂରତାକୁ ଦୃଷ୍ଟିରେ ରଖି କର୍ମଚାରୀଙ୍କ ପାଇଁ କାମ କରିବାର ସମୟ ନିର୍ଘଣ୍ଟ କରାଯିବ। କର୍ମକ୍ଷେତ୍ରରେ କରୋନା ସଂକ୍ରମଣକୁ ରୋକିବା ପାଇଁ ସବୁ ପ୍ରକାରର ନିୟମ ପାଳନ କରିବାକୁ ସମସ୍ତେ ବାଧ୍ୟ। ମାସ୍କ ଓ ସାନିଟାଇଜର ବ୍ୟବହାର କରିବାକୁ ସରକାର କହିଛନ୍ତି।
ସମସ୍ତ ପ୍ରବେଶ ଓ ପ୍ରସ୍ଥାନ ପଥରେ ଟଚ୍ ଫ୍ରି ବ୍ୟବସ୍ଥା ହେବ। ସେହିପରି ଥର୍ମାଲ ସ୍କ୍ରିନିଂକୁ ବାଧ୍ୟତାମୂଳକ କରାଯାଇଛି। ନିୟମିତ ଭାବେ କାମ ହେଉଥିବା ଓ ବ୍ୟବହାର ହେଉଥିବା ସ୍ଥାନଗୁଡ଼ିକ ସାନିଟାଇଜ କରାଯିବ ବୋଲି ସରକାର କହିଛନ୍ତି। ଏହାବାଦ୍ ଆଉ କୌଣସି କାମକୁ ଅନୁମତି ମିଳିନି।
ସୂଚନା ଥାଉକି ,ଯେଉଁ କମ୍ପାନୀ ଓ ନିର୍ମାଣକାରୀ ସଂସ୍ଥା ଏହାକୁ ଉଲ୍ଲଙ୍ଘନ କରିବେ, ତା’ହେଲେ ଏଗୁଡ଼ିକୁ ବନ୍ଦ କରିଦିଆଯିବ। ସେହିପରି ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଇ-ପାସ୍( www.delhi.gov.in ) ଜରିଆରେ ହିଁ କର୍ମଚାରୀ ଓ ଶ୍ରମିକମାନେ ଯିବା ଆସିବା କରିପାରିବେ। ଦିଲ୍ଲୀ ସରକାର ସମସ୍ତ ଜିଲ୍ଲା ମାଜିଷ୍ଟ୍ରେଟ ମାନଙ୍କୁ କହିଛନ୍ତି ଯେ, ଉତ୍ପାଦନ ଶିଳ୍ପ ଓ ନିର୍ମାଣ କାମ ଚାଲିଥିବା ଅଞ୍ଚଳରେ ରାଡମ ଟେଷ୍ଟିଂ କରିବାକୁ । ଲୋକମାନେ ଯେମିତି ଅଯଥାରେ ରାସ୍ତାରେ ନ ବୁଲିବେ, ସେକଥା ନିଶ୍ଚିତ କରିବାକୁ ସରକାର ପୁଲିସ୍ ଡିପାର୍ଟମେଣ୍ଟକୁ ନିର୍ଦ୍ଦେଶ ଦେଇଛନ୍ତି। ବିଭିନ୍ନ ସ୍ଥାନରେ ଚେକିଂ ପୋଷ୍ଟ କରି ଲୋକଙ୍କର ଯାଞ୍ଚ କରାଯିବ।
Prev Post