ଓଡ଼ିଶାରେ ଏକ ନୂତନ ଶିଳ୍ପ ବିପ୍ଳବ ଆରମ୍ଭ ହୋଇଛି। ରାଜ୍ୟ ନୂତନ ଶିଳ୍ପ ପ୍ରତିଷ୍ଠା ପାଇଁ ପ୍ରାୟ ୨୦ ଲକ୍ଷ କୋଟି ଟଙ୍କାର ଶିଳ୍ପ ପ୍ରସ୍ତାବ ସହିତ ଆଗକୁ ବଢ଼ୁଛି। ଏଗୁଡ଼ିକ କାର୍ଯ୍ୟକ୍ଷମ ହେବା ପରେ ପ୍ରାୟ ୧୫ ଲକ୍ଷ ନୂତନ ନିଯୁକ୍ତି ସୃଷ୍ଟି ହେବ । ସମ୍ବଲପୁର ଜିଲ୍ଲାର ଲପାଙ୍ଗାଠାରେ ହିଣ୍ଡାଲକୋ ଇଣ୍ଡଷ୍ଟ୍ରିଜ୍ ଲିମିଟେଡର ଆଦିତ୍ୟ ଆଲୁମିନିୟମ ପ୍ଲାଂଟ୍ରେ ଭାରତର ପ୍ରଥମ ଫ୍ଲାଟ ରୋଲ୍ଡ ପ୍ରଡକ୍ଟସ୍ (ୠଜଚ) ଆଲୁମିନିୟମ ୟୁନିଟ୍ ଉଦଘାଟନ କରିବା ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହା କହିଛନ୍ତି। ୨୬,୯୯୬ କୋଟି ଟଙ୍କା ନିବେଶରେ ସ୍ଥାପିତ ଏହି ପ୍ରକଳ୍ପ ୫୦୧୨ ଲୋକଙ୍କ ପାଇଁ ନିଯୁକ୍ତି ସୃଷ୍ଟି କରିବ। ତୃଣମୂଳ ସ୍ତରରେ ଉତ୍ପାଦନକୁ ଆହୁରି ମଜବୁତ କରିବ ଏବଂ ଏହି ଅଂଚଳରେ ନୂତନ ଜୀବିକା ସୁଯୋଗ ସୃଷ୍ଟି କରିବ ବୋଲି ଆଶା କରାଯାଉଛି।
ମୁଖ୍ୟମନ୍ତ୍ରୀ କହିଥିଲେ, ଶ୍ରମିକମାନେ ହେଉଛନ୍ତି ଓଡ଼ିଶାର ଶିଳ୍ପ ସଫଳତାର ପ୍ରକୃତ ସ୍ଥପତି। ସେମାନଙ୍କ ପାଇଁ ଉତ୍ପାଦନ କେବେ ବନ୍ଦ ହୁଏ ନାହିଁ ଏବଂ ପ୍ରଗତି କେବେ ମନ୍ଥର ହୁଏ ନାହିଁ। ବିକାଶ କେବଳ ନିବେଶ କିମ୍ବା ଘୋଷଣା ଦ୍ୱାରା ନୁହେଁ, ବରଂ ଲୋକଙ୍କ ଜୀବନରେ ପ୍ରକୃତ ପରିବର୍ତନ ଦ୍ୱାରା ମପାଯାଏ। ଯୁବକମାନଙ୍କ ପାଇଁ ଚାକିରି, ପରିବାର ପାଇଁ ସୁରକ୍ଷା ଏବଂ ଉନ୍ନତ ଶିକ୍ଷା ଏବଂ ସ୍ୱାସ୍ଥ୍ୟସେବା ଆବଶ୍ୟକ।’
‘ପଶ୍ଚିମ ଓଡ଼ିଶା ଏକ ବିଶ୍ୱସ୍ତରୀୟ ଶିଳ୍ପ କେନ୍ଦ୍ର ଭାବରେ ଉଭା ହେଉଛି ଯେଉଁଠାରେ ବିଶ୍ୱସ୍ତରୀୟ ନିବେଶ ଲୋକ-କୈନ୍ଦ୍ରିକ ବିକାଶକୁ ପୂରଣ କରେ। ଆମର ଲକ୍ଷ୍ୟ ହେଉଛି ଘର ପାଖରେ ନିଯୁକ୍ତି ସୃଷ୍ଟି କରିବା, ଗଝଗଋଗୁଡ଼ିକୁ ସୁଦୃଢ଼ କରିବା, ମୂଲ୍ୟଯୁକ୍ତ ଏବଂ ସବୁଜ ଉତ୍ପାଦନକୁ ପ୍ରୋତ୍ସାହିତ କରିବା ଏବଂ ଯେତେବେଳେ ଶିଳ୍ପ ବୃଦ୍ଧି ପାଏ, ପ୍ରତ୍ୟେକ ପରିବାର, ଗ୍ରାମ ଏବଂ ଯୁବକ ବିକାଶ ହୋଇଥାଏ।
ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ, ଶିଳ୍ପ ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ , ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର, ରେଙ୍ଗାଲି ବିଧାୟକ ସୁଦର୍ଶନ ହରିପାଲ, ଶିଳ୍ପ, ଗୃହ ଏବଂ ସୂଚନା ଓ ଲୋକ ସମ୍ପର୍କ ବିଭାଗର ଅତିରିକ୍ତ ମୁଖ୍ୟ ସଚିବ ହେମନ୍ତ ଶର୍ମା, ଜିଲ୍ଲା ପ୍ରଶାସନ, ହିଣ୍ଡାଲକୋ ଇଣ୍ଡଷ୍ଟ୍ରିଜ୍ ଲିମିଟେଡର କର୍ତୃପକ୍ଷ ଉପସ୍ଥିତ ଥିଲେ।
ସେହିପରି ରାଉରକେଲାରେ ଏଂଟରପ୍ରାଇଜ୍ ଓଡ଼ିଶା ପ୍ରଦର୍ଶନୀ ୨୦୨୬ ର୨୫ତମ ସଂସ୍କରଣକୁ ମୁଖ୍ୟମନ୍ତ୍ରୀ ଉଦଘାଟନ କରିଥିଲେ। ଏହି ଏକ୍ସପୋରେ, ବିଭିନ୍ନ କ୍ଷେତ୍ରର ଅଗ୍ରଣୀ କମ୍ପାନୀଗୁଡ଼ିକ ସେମାନଙ୍କର କ୍ଷମତା, ନବସୃଜନ ଏବଂ ଶିଳ୍ପ ଅଭିବୃଦ୍ଧି କାହାଣୀ ପ୍ରଦର୍ଶନ କରୁଛନ୍ତି। ଏଂଟରପ୍ରାଇଜ୍ ଓଡ଼ିଶା ହେଉଛି ଓଡ଼ିଶାର ଶିଳ୍ପ କ୍ଷମତା ଏବଂ ନିବେଶ ସୁଯୋଗ ପ୍ରଦର୍ଶନ କରିବା ପାଇଁ ଲକ୍ଷ୍ୟ ରଖାଯାଇଥିବା ଏକ ପ୍ରମୁଖ ଶିଳ୍ପ ପ୍ଲାଟଫର୍ମ। ଏଂଟରପ୍ରାଇଜ୍ ଓଡ଼ିଶା ଉଦ୍ଘାଟନୀ ସନ୍ଧ୍ୟାରେ ଏକ ସାଂସ୍କୃତିକ କାର୍ଯ୍ୟକ୍ରମ ଏବଂ ରାଉରକେଲାର ପ୍ରଥମ ଡ୍ରୋନ୍ ଶୋ ପ୍ରଦର୍ଶିତ ହୋଇଥିଲା। ଯାହା ପଶ୍ଚିମ ଓଡ଼ିଶାର ସମୃଦ୍ଧ, ସାଂସ୍କୃତିକ ଐତିହ୍ୟ, ସାମାଜିକ ଜୀବନ ଏବଂ ଶିଳ୍ପ ପ୍ରଗତିକୁ ପ୍ରଦର୍ଶନ କରିଥିଲା।