ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜ୍ୟସଭାରେ କହିଛନ୍ତି, କୋଭିଡ୍ ପରେ ବିଶ୍ୱ ବ୍ୟବସ୍ଥା ପରିବର୍ତନ ହେଉଛି। ବିଶ୍ୱ ଆଶା ଏବଂ ଆତ୍ମବିଶ୍ୱାସ ସହିତ ଭାରତ ଆଡକୁ ଦେଖୁଛି। ବିଶ୍ୱ ଆଜି ଭାରତ ଆଡକୁ ଆକର୍ଷିତ ହେଉଛି। ଭାରତ ଗ୍ଲୋବାଲ୍ ସାଉଥ୍ର ଏକ ଦୃଢ଼ ସ୍ୱର ପାଲଟିଛି। ସେ କହିଛନ୍ତି ଯେ ଯେତେବେଳେ ସେ ଗୁଜରାଟର ମୁଖ୍ୟମନ୍ତ୍ରୀ ଥିଲେ, ସେତେବେଳେ ମଧ୍ୟ ସେ ଭାଇବ୍ରାଂଟ୍ ଗୁଜରାଟ ସମ୍ମିଳନୀ ମାଧ୍ୟମରେ ତାଙ୍କର ଇଚ୍ଛାଶକ୍ତି ପ୍ରଦର୍ଶନ କରିଥିଲେ ଏବଂ ଜାପାନ ଆମର ଅଂଶୀଦାର ଥିଲା। ଆଜି ଦେଶ ନିଜର ଶକ୍ତି ପ୍ରଦର୍ଶନ କରୁଛି। କଂଗ୍ରେସ ଉପରେ ଆକ୍ରମଣ କରି ସେ କହିଛନ୍ତି ଯେ ପୂର୍ବରୁ ଭୋଟ୍ ବ୍ୟାଙ୍କ ରାଜନୀତି ପ୍ରଚଳିତ ଥିଲା। ଯଦି ଆପଣ ଲାଲକିଲ୍ଲା ପ୍ରାଚୀରରୁ ପ୍ରଧାନମନ୍ତ୍ରୀଙ୍କ ଭାଷଣକୁ ବିଶ୍ଳେଷଣ କରନ୍ତି, ତେବେ ଆପଣ ବୁଝିପାରିବେ ଯେ ସେମାନଙ୍କର ଦୂରଦୃଷ୍ଟିର ଅଭାବ ଥିଲା। ପ୍ରଧାନମନ୍ତ୍ରୀ କହିଛନ୍ତି ଯେ ଆମର ଅଧିକାଂଶ ଶକ୍ତି ସେମାନଙ୍କର ଭୁଲ ସଂଶୋଧନ କରିବାରେ ଖର୍ଚ୍ଚ ହେଉଛି। ଆଜି, ଭାରତ ବିଶ୍ୱ ସହିତ ପ୍ରତିଯୋଗିତା କରିବାକୁ ସମ୍ପୂର୍ଣ୍ଣ ପ୍ରସ୍ତୁତ। ଆଜି, ବିଶ୍ୱ ଆମର ଉଦ୍ୟୋଗୀମାନଙ୍କୁ ସମାନ ଭାବରେ ଦେଖୁଛି। ଗଝଗଋ ନେଟୱାର୍କ ଯେତେ ଶକ୍ତିଶାଳୀ ହେବ, ବିଶ୍ୱର ଏହା ଉପରେ ବିଶ୍ୱାସ ସେତେ ବଢ଼ିବ।
