ସମ୍ବଲପୁରରେ ମୁଖ୍ୟ ଶାସନ ସଚିବ, ୫-ଟି ସଚିବ, ଭିସୁଟ୍ ରେ ହେବ ସେଣ୍ଟର ଅଫ୍ ଏକ୍ସିଲେନ୍ସି
ସମ୍ବଲପୁରସ୍ଥିତ ଭିସୁଟ୍ ରେ ବିକାଶ ପାଇଁ ୧ ହଜାର କୋଟି ଟଙ୍କା ବ୍ୟ….
ସମ୍ବଲପୁର: ସମ୍ବଲପୁରସ୍ଥିତ ଭିସୁଟ୍ ରେ ବିକାଶ ପାଇଁ ୧ ହଜାର କୋଟି ଟଙ୍କା ବ୍ୟୟ ବରାଦ କରାଯିବ। ଏହାର କ୍ୟାମ୍ପସ ସମ୍ପ୍ରସାରଣ ପାଇଁ ଜମି ଯୋଗାଇ ଦେବେ ରାଜ୍ୟ ସରକାର। ଗୁରୁବାର ସମ୍ବଲପୁର ଗସ୍ତରେ ଯାଇ ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଓ ୫-ଟି ସଚିବ ଭି.କେ.ପାଣ୍ଡିଆନ। ଗୁରୁବାର ସକାଳେ ଉଭୟ ସମ୍ବଲପୁରରେ ପହଁଚିବା ପରେ ଭିସୁଟ୍ ଗସ୍ତ କରିଥିଲେ। ଏହି ପ୍ରତିଷ୍ଠାନକୁ ଖୁବ୍ ଶୀଘ୍ର ସେଣ୍ଟର ଅଫ୍ ଏକ୍ସିଲେନ୍ସିରେ ପରିଣତ କରାଯିବ ବୋଲି ମୁଖ୍ୟ ସଚିବ ଘୋଷଣା କରିଛନ୍ତି । ଶ୍ରୀ ମହାପାତ୍ର କହିଥିଲେ ବର୍ତ୍ତମାନ ପରିସ୍ଥିତିରେ ଭିସୁଟ୍ ପାଇଁ ସ୍ୱତନ୍ତ୍ର ଧ୍ୟାନ ଦିଆଯିବା ସହ ଏହାର ବିକାଶ ପାଇଁ ଏକ ମାଷ୍ଟର ପ୍ଲାନ୍ ପ୍ରସ୍ତୁତ କରାଯିବ।
ରିଂରୋଡ୍ ଠାରୁ ଆରମ୍ଭ କରି ନୂତନ ମନ୍ଦିର ବେଢ଼ା ନିର୍ମାଣ, ପାର୍କିଂ ସ୍ଥଳ, ସୁଇମିଂ ପୁଲ୍ ଏବଂ ମନ୍ଦିର ଚାରିପାଖର ସୌନ୍ଦର୍ଯ୍ୟକରଣ କରାଯାଇଛି। ପ୍ରଭାବିତ ହେବାକୁ ଥିବା ଜନବସତିକୁ ସ୍ଥାନାନ୍ତର କରାଯାଇ ଦୁର୍ଗାପାଲିର ଏକ କଲୋନୀରେ ସେମାନଙ୍କୁ ଥଇଥାନ କରାଯିବାର ବ୍ୟବସ୍ଥା କରାଯାଇଛି। ଏହାପରେ ଉଭୟ ଲୁଇସ୍ ଉଚ୍ଚ ବାଳିକା ବିଦ୍ୟାଳୟ ମଧ୍ୟ ବୁଲି ଦେଖିଥିଲେ। ସ୍କୁଲ୍ ରେ ରେଜଲ୍ଟ ଭଲ ହେବା ନେଇ ଶିକ୍ଷକ ଓ ଛାତ୍ରଛାତ୍ରୀଙ୍କ ସହ, ଆଲୋଚନା କରିଥିଲେ। ଏହାପରେ ସମନ୍ୱିତ କମ୍ପେ୍ଲକ୍ସର ଭିତ୍ତିଭୂମି କାର୍ଯ୍ୟକୁ ପରଖି ଦେଖିଥିଲେ।