ମୁମ୍ବାଇ : ବଲିଉଡ ଅଭିନେତ୍ରୀ ହୁମା କ୍ୟୁରେଶି ତାଙ୍କର ୩୫ ତମ ଜନ୍ମ ଦିନ ପାଳନ କରିଛନ୍ତି । ସେ ବଲିଉଡ ସହ ସାଉଥ ଇଣ୍ଡଷ୍ଟ୍ରିରେ ମଧ୍ୟ ଅଭିନୟରେ କମାଲ ଦେଖାଇଛନ୍ତି । ହୁମା ଫିଲ୍ମ ଦୁନିଆରେ ପାଦ ଦେବା ପୂର୍ବରୁ ଅନେକ ବିଜ୍ଞାପନରେ କାମ କରିଥିଲେ । ସୂଚନା ଅନୂଯାୟୀ ବଲିଉଡର କିଙ୍ଗଖାନ ଶାହରୁଖଙ୍କ ସହ ମଧ୍ୟ ଏକ ବିଜ୍ଞାପନ କରିଥିଲେ କିନ୍ତୁ ଥରେ ମୋବାଇଲ ବିଜ୍ଞାପନରେ କାମ କରୁଥିବା ବେଳେ ଫିଲ୍ମ ନିର୍ଦ୍ଦେଶ ଅନୁରାଗ କଶ୍ୟପଙ୍କ ନଜରରେ ପଡିଥିଲେ । ଯାହା ପରେ ହୁମାଙ୍କର ଭାଗ୍ୟ ବଦଳି ଯାଇଥିଲା । ଅନୁରାଗ ତାଙ୍କ ଫିଲ୍ମ ‘ଗ୍ୟାଙ୍ଗ ଅଫ ୱାସେପୁର’ ରେ ନେବା ପାଇଁ ଅଫର ଦେଇଥିଲେ । ଯାହା ଫଳରେ ସେହି ଫିଲ୍ମରେ ପାଦ ଦେଉ ଦେଉ ରାତାରାତି ଷ୍ଟାର ପାଲଟି ଯାଇଥିଲେ । ହୁମା ଇଣ୍ଡଷ୍ଟ୍ରିରେ ଏପର୍ଯ୍ୟନ୍ତ ଦଶନ୍ଧି ପୂରା କରି ନାହାନ୍ତି ସତ କିନ୍ତୁ ସମସ୍ତଙ୍କ ମଧ୍ୟରେ ଚର୍ଚ୍ଚିତ ହୋଇଯାଇଛନ୍ତି ।
