ଭୁବନେଶ୍ବର (ଏସ୍ ନ୍ଯୁଜ ): ରାଜ୍ୟରେ ୧୯୮୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଉ ୧୭ ଜଣଙ୍କର ମୃତ୍ୟୁ ହୋଇଛି । ଏହି କ୍ରମରେ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୧୧୫୨କୁ ବୃଦ୍ଧି ପାଇଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଆଜି ଭୁବନେଶ୍ୱର ଓ କଟକରୁ ୩ ଜଣ ଲେଖାଏଁ କରୋନା ଆକ୍ରାନ୍ତଙ୍କର ମୃତ୍ୟୁ ହୋଇଛି । ବଲାଙ୍ଗୀର, ସୁବର୍ଣ୍ଣପୁର, ଝାରସୁଗୁଡାରୁ ୨ ଜଣ ଲେଖାଏଁ କରୋନା ଆକ୍ରାନ୍ତଙ୍କର ମୃତ୍ୟୁ ହୋଇଛି । ଜଗତସିଂହପୁର, ବୌଦ୍ଧ, ବରଗଡ, ମୟୂରଭଞ୍ଜ, ନୂଆପଡାରୁ ଜଣେ ଲେଖାଏଁ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।
ସେହିପରି ଆଜି ରାଜ୍ୟରେ ଚିହ୍ନଟ ପଜିଟିଭ୍ ମଧ୍ୟରୁ ସଙ୍ଗରୋଧ କେନ୍ଦ୍ରରୁ ୧୧୫୬ ଓ ସ୍ଥାନୀୟ ଅଞ୍ଚଳରୁ ୮୨୬ ଆକ୍ରାନ୍ତ ଅଛନ୍ତି। ଏହା ଫଳରେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୨ଲକ୍ଷ ୭୦ହଜାର ୩୪୬କୁ ବୃଦ୍ଧି ପାଇଛି। ୩୦ଟି ଜିଲ୍ଲା ଓ ଷ୍ଟେଟ୍ ପୁଲରୁ ଏହିସବୁ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।
୩୦ଟି ଜିଲ୍ଲାରୁ ଚିହ୍ନଟ ନୂଆ କରୋନା ଆକ୍ରାନ୍ତ ଚିହ୍ନଟଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୩୦୦ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳ କଟକ ଜିଲ୍ଲାରୁ ୧୪୫ ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ଅପରପକ୍ଷରେ ନୟାଗଡ଼ ଜିଲ୍ଲାରୁ ୩୫, ଗଞ୍ଜାମ ଜିଲ୍ଲାରୁ୨୪, ବଲାଙ୍ଗୀର ଜିଲ୍ଲାରୁ ୮୮, ବାଲେଶ୍ବର ଜିଲ୍ଲାରୁ ୮୬, କୋରାପୁଟ ଜିଲ୍ଲାରୁ ୪୨, ଭଦ୍ରକରୁ ୬୩, ରାୟଗଡ଼ା ଜିଲ୍ଲାରୁ ୧୦, ପୁରୀ ଜିଲ୍ଲାରୁ ୭୨, ସୁନ୍ଦରଗଡ଼ ଜିଲ୍ଲାରୁ ୯୯, ଜଗତସିଂହପୁର ଜିଲ୍ଲାରୁ ୫୫, ସମ୍ବଲପୁର ଜିଲ୍ଲାରୁ ୩୮, କଳାହାଣ୍ଡି ଜିଲ୍ଲାରୁ ୪୩, ଯାଜପୁର ଜିଲ୍ଲାରୁ ୮୬, କନ୍ଧମାଳ ଜିଲ୍ଲାରୁ ୨୩, କେନ୍ଦ୍ରାପଡ଼ା ଜିଲ୍ଲାରୁ ୬୫, ମାଲକାନଗିରି ଜିଲ୍ଲାରୁ ୪୧, ଗଜପତି ଜିଲ୍ଲାରୁ ୧୦, ମୟୂରଭଞ୍ଜ ଜିଲ୍ଲାରୁ ୧୦୭ , ଝାରସୁଗୁଡ଼ା ଜିଲ୍ଲାରୁ ୫୦, ଢେଙ୍କାନାଳ ଜିଲ୍ଲାରୁ ୫୫, ନବରଙ୍ଗପୁର ଜିଲ୍ଲାରୁ ୫୨, କେନ୍ଦୁଝର ଜିଲ୍ଲାରୁ ୫୯, ସୁବର୍ଣ୍ଣପୁର ଜିଲ୍ଲାରୁ ୪୫, ଅନୁଗୁଳ ଜିଲ୍ଲାରୁ ୧୧୯, ବରଗଡ଼ ଜିଲ୍ଲାରୁ ୪୬, ନୂଆପଡ଼ା ଜିଲ୍ଲାରୁ ୩୭, ଦେବଗଡ଼ରୁ ୧୪ ଓ ବୌଦ୍ଧ ଜିଲ୍ଲାରୁ ୧୧ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାଛଡ଼ା ଷ୍ଟେଟ୍ ପୁଲରୁ ୬୫ଜଣ ସଂକ୍ରମିତ ଚିହ୍ନଟ ହୋଇଥିବା ଜଣାଯାଇଛି।
ଏବେ ରାଜ୍ୟରେ ମୋଟ୍ ୨,୪୬,୮୩୭ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ସକ୍ରିୟ କରୋନା ସଂକ୍ରମିତଙ୍କ ସଂଖ୍ୟା ୨୨,୩୦୪ ରହିଛି।