ବରଗଡ଼: ଆଜି ବରଗଡ଼ ଜିଲ୍ଲା ଚକରକେନ୍ଦ ନିକଟରେ ଥିବା ମାତୃଛାୟା ବାନପ୍ରସ୍ଥ ଶାନ୍ତି ତପୋବନ ଠାରେ ଜିଲ୍ଲା ଆଇନ ସେବା ପ୍ରାଧିକରଣ ଆନୁକୁଲ୍ୟରେ ବିଶ୍ବ ମାନସିକ ସ୍ବାସ୍ଥ୍ୟ ଦିବସ ପାଳିତ ହୋଇଯାଇଛି । ବରଗଡ଼ ଜିଲ୍ଲା ଆଇନ ପ୍ରାଧିକରଣ ଅଧିକାରୀ ବିଭୂ କଲ୍ୟାଣ ପାଢୀ ସଭାରେ ସଭାପତିତ୍ବ କରିଥିଲେ ।
ଆହୁରି ପଢ଼ନ୍ତୁ...
ମୁଖ୍ୟ ଅତିଥି ଅତିରିକ୍ତ ଜିଲ୍ଲାପାଳ ନବୀନ ଚନ୍ଦ୍ର ପଟେଲ,ମୁଖ୍ୟ ବକ୍ତା ମନୋବିଜ୍ଞାନୀ ପ୍ରଫେସର ଅମରେନ୍ଦ୍ର ନାରାୟଣ ଯାଦବ, ସମ୍ମାନିତ ଅତିଥି ଅତିରିକ୍ତ ଆରକ୍ଷୀ ଅଧିକ୍ଷକ ସି, ସୋରେନ, ଭାବେ ଯୋଗଦେଇ ଥିଲେ। ଅନ୍ୟ ମାନଙ୍କ ମଧ୍ୟରେ ବରିଷ୍ଠ ନାଗରିକ ସଂଘ ର ସଂପାଦକ ପ୍ରହଲ୍ଲାଦ ମହାପାତ୍ର ମଞ୍ଚାସୀନ ଥିଲେ।ସଭାକୁ ସଂଚାଲନ କରିଥିଲେ କେଦାର ମିଶ୍ର । ସଭା ରେ ବରିଷ୍ଠ ନାଗରିକ ସଂଘ ର ସଭ୍ୟ ରକ୍ଷାକାରୀ ବିଶି,ଗଂଗା ଭୂଷଣ ହୋତା ଆଦି ଯୋଗଦେଇ ନିଜ ନିଜ ବକ୍ତବ୍ଯ ରଖିଥିଲେ । ଶେଷରେ ଦେବଦତ୍ତ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ ।