ନୂଆଦିଲ୍ଲୀ: ଭାରତୀୟ କ୍ରିକେଟ୍ ଟିମର ପୂର୍ବତନ କ୍ୟାପଟେନ୍ କପିଲ୍ କିଛି ଦିନ ତଳେ ଅସୁସ୍ଥ ହୋଇଥିବା ବେଳେ ତାଙ୍କର ଦେହାନ୍ତ ହୋଇଥିବା ଖବର ଦ୍ରୁତ ଗତିରେ ସୋସିଆଲ ମିଡିଆରେ ବ୍ୟାପିଥିଲା। ଏଭଳି ସ୍ଥିତିରେ ଖୋଦ୍ କପିଲ୍ ଦେବ ଏହି ଗୁଜବକୁ ଖଣ୍ଡନ କରିବା ସହ ଏକ ଭିଡିଓ ସେୟାର କରିଛନ୍ତି।
ଏଠାରେ ସୂଚନାଯୋଗ୍ୟ ଯେ,ଗତ ଅକ୍ଟୋବର ୨୩ ତାରିଖରେ ୬୧ ବର୍ଷୀୟ କପିଲ୍ ଦେବ ହୃଦଘାତ କାରଣରୁ ଦିଲ୍ଲୀସ୍ଥିତ ହସ୍ପିଟାଲରେ ଚିକିତ୍ସିତ ହୋଇଥିଲେ। ହସ୍ପିଟାଲରେ ତାଙ୍କର ସଫଳ ଅସ୍ତ୍ରୋପଚାର କରାଯାଇଥିଲା ଏବଂ ଦୁଇଦିନ ପରେ ସୁସ୍ଥ ଥିବା ନେଇ ସୂଚନା ଦେଇଥିଲେ। ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥାରେ ଦ୍ରୁତ ଉନ୍ନତି ପରିଲକ୍ଷିତ ହୋଇଛି ଏବଂ ଶୀଘ୍ର ସେ ଏକ ଶୋ’ରେ ନିଜର କ୍ରିକେଟ୍ ଯାତ୍ରାକୁ ନେଇ ସୂଚନା ଦେବେ। ହେଲେ ସୋମବାର କପିଲଙ୍କ ମୃତ୍ୟୁର ଗୁଜବ ଖବର ଭାଇରାଲ୍ ହେବା ପରେ ୨୧ ସେକେଣ୍ଡ ବିଶିଷ୍ଟ ଏକ ପ୍ରୋମୋ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ସେ ସମ୍ପୂର୍ଣ୍ଣ ଫିଟ୍ ନଜର ଆସୁଛନ୍ତି। ସେ ଏହି ଭିଡିଓରେ ଏକ ପ୍ରାଇଭେଟ୍ ବ୍ୟାଙ୍କର ଏକ ବିଶେଷ କାର୍ଯ୍ୟକ୍ରମରେ କଥାବାର୍ତ୍ତା ହେଉଥିବା କଥା କହିଛନ୍ତି। ସେ କହିଛନ୍ତି, ମୁଁ କପି୍ଲ ଦେବ କହୁଛି। ମୁଁ ନଭେମ୍ବର ୧୧ ତାରିଖରେ ‘ବାର୍କଲେ’ ପରିବାର ସହ ନିଜର କାହାଣୀ ଶେଆର୍ କରିବି । କିଛି କ୍ରିକେଟ୍ ସମ୍ବନ୍ଧିତ କଥା ଏବଂ କିଛି ସ୍ମୃତି ମୁଁ ବର୍ଣ୍ଣନା କରିବି।
ତେବେ ସୋମବାର ସୋଶାଲ୍ ମିଡିଆରେ ଭାଇରାଲ୍ ହୋଇଥିଲା ଯେ, ୬୧ ବର୍ଷୀୟ କପିଲ୍ ଦେବଙ୍କୁ ପୁଣିଥରେ ହସ୍ପିଟାଲରେ ଭାଇରାଲ୍ ହୋଇଛି। କିଛି ଲୋକେ ମଧ୍ୟ କପିଲଙ୍କ ଦେହାନ୍ତ ହୋଇଥିବା ଖବର ଭାଇରାଲ୍ କରିଥିଲେ।