ଭୁବନେଶ୍ୱର(ଏସ୍ ନ୍ୟୁଜ) ରାଜ୍ୟରେ କମୁନାହିଁ କରୋନା ମୃତ୍ୟୁ ସଂଖ୍ୟା। ଆଜି ୧୨୨୦ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଉ ୧୫ ଜଣଙ୍କର ମୃତ୍ୟୁ ହୋଇଛି ।ଏହାକୁ ନେଇ କରୋନା ମୃତ୍ୟୁ ସଂଖ୍ୟା ୧,୪୬୯କୁ ବୃଦ୍ଧି ପାଇଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।
ତେବେ ଆଜି ବାଲେଶ୍ୱର ଜିଲ୍ଲାରୁ ସର୍ବାଧିକ ୪ ଓ କଟକରୁ ୩ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ସେହିପରି ଜଗତସିଂହପୁର ଓ କେନ୍ଦ୍ରାପଡ଼ାରୁ ୨ ଜଣ ଲେଖାଏଁ , ଖୋର୍ଦ୍ଧା, ଅନୁଗୁଳ, ମୟୁରଭଞ୍ଜ ଓ ସମ୍ବଲପୁରରୁ ଜଣେ ଲେଖାଏଁ ଆକ୍ରାନ୍ତଙ୍କ ମୃତ୍ୟୁ ହୋଇଛି।
ଅନ୍ୟପଟେ ରାଜ୍ୟରେ ନୂଆ ୧୨୨୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ନୂଆ ଆକ୍ରାନ୍ତଙ୍କ ମଧ୍ୟରୁ ୭୦୩ ଜଣ କ୍ୱାରେଣ୍ଟାଇନ୍ରେ ଥିବା ବେଳେ ୫୧୭ ହେଉଛି ସ୍ଥାନୀୟ ଅଂଚଳରୁ ଚିହ୍ନଟ ହୋଇଛନ୍ତି ।
୩୦ ଟି ଜିଲ୍ଲାରୁ ଚିହ୍ନଟ ହୋଇଥିବା ୧୨୨୦ଟି ମାମଲା ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୧୩୪ ଟି, ସୁନ୍ଦରଗଡ଼ରୁ ୧୧୯ଟି ଓ କଟକ ଜିଲ୍ଲାରୁ ୯୬ ଟି ମାମଲା ରହିଛି । ସେହିପରି ପୁରୀରୁ ୬୦ଟି, ଜଗତସିଂହପୁରରୁ ୫୯, ବରଗଡ଼ରୁ ୬୦, ବାଲେଶ୍ୱରରୁ ୨୧, ଅନୁଗୁଳରୁ ୫୮ଟି, ମୟୁରଭଞ୍ଜରୁ ୪୬, ଝାରସୁଗୁଡ଼ାରୁ ୩୨, ନୂଆପଡ଼ାରୁ ୬୬, ସମ୍ବଲପୁରରୁ ୪୦, ବଲାଙ୍ଗୀରରୁ ୩୩ଟି ମାମଲା ଚିହ୍ନଟ ହୋଇଛି । ଅନ୍ୟପକ୍ଷରେ କେନ୍ଦୁଝରରୁ ୪୮ ଟି, ନବରଂଗପୁରରୁ ୧୪ଟି, କୋରାପୁଟରୁ ୨୧ଟି, ରାୟଗଡ଼ାରୁ ୫ଟି, ସୋନପୁରରୁ ୧୩ଟି, ଭଦ୍ରକରୁ ୨୮ଟି, ନୟାଗଡ଼ରୁ ୨୦ଟି, ଢେଙ୍କାନାଳରୁ ୨୬ଟି ଏବଂ ରାଜ୍ୟ ପୁଲରୁ ୨୧ଟି ମାମଲା ଚିହ୍ନଟ ହୋଇଛି ।
ସେପଟେ ୧୨୨୦ ଟି ନୂଆ ମାମଲା ସହ ଓଡ଼ିଶାର ମୋଟ କରୋନା ସଂକ୍ରମଣ ମାମଲା ସଂଖ୍ୟା ୩ ଲକ୍ଷ ୫ ହଜାରରେ ପହଞ୍ଚିଛି । ଏହା ମଧ୍ୟରୁ ସକ୍ରିୟ ସଂକ୍ରମଣ ସଂଖ୍ୟା ୧୨୩୪୧ ଥିବାବେଳେ ୨୯୧୧୩୭ ଜଣ ଆରୋଗ୍ୟ ଲାଭ କରିଛନ୍ତି । ଗତ ୨୪ ଘଣ୍ଟାରେ ରାଜ୍ୟରେ ୧୪୪୮ ଜଣ କରୋନା ସଂକ୍ରମିତ ଆରୋଗ୍ୟ ଲାଭ କରିଛନ୍ତି । ରାଜ୍ୟରେ ଏପର୍ଯ୍ୟନ୍ତ ୫୦୭୭୧୧୯ ଟି କରୋନା ପରୀକ୍ଷା କରାଯାଇଛି ।