ଏମିତି ଗୋଟିଏ ଦୀପ ଯେଉଁଠି ଚାଲିଥାଏ ପଥର ମୁଦ୍ରା ବିନିମୟ ରେ ହୋଇଥାଏ ଜିନିଷ କିଣାବିକା
ଆମେ ଅନେକ ବର୍ଷରୁ କିଣାକିଣି ପାଇଁ ପଇସାର ବିନିମୟ ହୋଇ ଆସିଥିବାର ଜାଣିଥାଉ l ଯେତେବେଳେ ପଇସା ନଥିଲା, ସେତେବେଳେ ଲୋକେ ଜିନିଷ ବିନିମୟ ରେ ଜିନିଷ କିଣାକିଣି କରୁଥିଲେ l ଯେପରିକି ଚାଉଳ ବଦଳରେ ପରିବା, ଗାଈ ବଦଳରେ ମେଣ୍ଢା, ଧାନ ବଦଳରେ ଚାଉଳ ଇତ୍ୟାଦି ଦିଆନିଆ ଥିଲା l ସମୟ ସହିତ ମୂଲ୍ୟବାନ ରତ୍ନ ବଦଳରେ କିଣାକିଣି ହେଲା l ଏହାପରେ ମୁଦ୍ରାର ପ୍ରଚଳନ ହେଲା l ଯେଉଁଥିରେ ତମ୍ବା ରୂପା ବିଭିନ୍ନ ଧାତୁ ର ମୁଦ୍ରାର ପ୍ରଚଳନ ହେଲା l ସୁନା ଠାରୁ ନେଇ ପ୍ରତ୍ୟେକ ମୁଦ୍ରାର ଅଲଗା ଅଲଗା ମୂଲ୍ୟ ରହିଛି l ଏହାପରେ ଦୁନିଆରେ ମୁଦ୍ରା ର ପ୍ରଚଳନ ହେଲା , କିନ୍ତୁ ଦୁନିଆରେ ଏଭଳି ଗୋଟିଏ ସ୍ଥାନ ରହିଛି ଯେଉଁଠାରେ କାଗଜ ନୋଟ କିମ୍ବା କୌଣସି ମୁଦ୍ରା ବିନିମୟ ରେ ନୁହେଁ, ବରଂ ବଡ଼ ବଡ଼ ପଥର ବିନିମୟ ରେ ଜିନିଷ କିଣାକିଣି ହୋଇଥାଏ l
ହଁ ଆଜ୍ଞା, ସେହିଭଳି ଦୁନିଆରେ ଗୋଟିଏ ସ୍ଥାନ ରହିଛି, ପ୍ରଶାନ୍ତ ମହାସାଗର ରେ ଗୋଟିଏ ଦୀପ ରହିଛି, ଯେଉଁଠାରେ ଛୋଟ ରୁ ନେଇ ମଣିଷ ଆକୃତିର ମୁଦ୍ରା ପ୍ରଚଳନ ହୋଇଥାଏ l ପାଖାପାଖି ୧୦୦ ସ୍କୋୟାର କିଲୋମିଟର ରେ ବ୍ୟାପ୍ତ ଥିବା ଏହି ଦୀପ ରେ ପ୍ରାୟ ୧୨ ହଜାର ଲୋକ ବସବାସ କରୁଛନ୍ତି, ଯାହା ଅନେକ ଗୁଡିଏ ଗାଁ ରେ ବିଭକ୍ତ ହୋଇଛି l ଏହି ଦୀପ ଟିର ନାମ ହେଉଛି ୟପ l ଏହି ଦୀପ ପ୍ରତ୍ୟେକ ଗାଁ ଓ ପ୍ରତି ପରିବାର ନିକଟରେ କିଛି ପଥର ମୁଦ୍ରା ରହିଛି l ଏହାଛଡା ଏହି ଦୀପର ପ୍ରତ୍ୟେକ ବ୍ୟକ୍ତିଙ୍କ ନିକଟରେ ବଡ଼ ବଡ଼ ପଥର ମଧ୍ୟ ରହିଛି l ଯାହା ନିକଟରେ ଯେତେ ଓଜନିଆ ପଥର ରହିଛି ସେ ସେତିକି ଧନୀ ଅଟେ l
ଏହି ଓଜନିଆ ପଥର ମଧ୍ୟରେ ଗୋଟିଏ ବଡ଼ କଣା ରହିଛି , ଯାହାକୁ କି ମୁଦ୍ରା ଆକାରରେ ଦିଆଯାଇ ଥାଏ ଓ ସେହି ବ୍ୟକ୍ତି ଉକ୍ତ ପଥର କୁ ଟାଣି ଯେପରି ନିଜ ଘର ପର୍ଯ୍ୟନ୍ତ ନେବା ପାଇଁ ସମ୍ଭବ ହୋଇ ପାରିବ l
ଏହି ଦୀପ ରେ ସ୍ତନ କରେନସି ର ପ୍ରଚଳନ କେବେ ଓ କେଉଁ କାରଣରୁ ହେଲା ତାହାର କୌଣସି ସୂଚନା ନାହିଁ l କେବଳ ସୂଚନା ଯୋଗ୍ୟ ଯେ ଏହି ଦୀପ ରେ କୌଣସି ବହୁମୂଲ୍ୟ ଧାତୁ ଓ କଞ୍ଚା ମାଲ ନମିଳିବା କାରଣରୁ ପଥର ମୁଦ୍ରାର ବିନିମୟ ହୋଇଥିଲା l ଏଠାରେ ନା ସୁନା ନା କୋଇଲା ଅଛି ତେଣୁ ଏଠାକାର ଲୋକେ ଦୀର୍ଘ ବର୍ଷରୁ ଚୂନ ପଥର କୁ ମୁଦ୍ରା ଭାବରେ ବ୍ୟବହାର କରିବା ଆରମ୍ଭ କରିଥିଲେ l ଏହି ଚୂନ ପଥର ପାଇଁ ଏଠାକାର ଲୋକେ ଡଙ୍ଗା ଯୋଗେ ନିଜ ଦୀପ ଠାରୁ ୪୦୦ କିଲୋମିଟର ଦୂର ପଲାଉ ଦୀପ କୁ ଯାଇ ଥାଆନ୍ତି l
ଏହାପରେ ଉକ୍ତ ଚୁନା ପଥର ମଧ୍ୟରେ ଗୋଟିଏ କଣା କରିଦିଅନ୍ତି ଓ ଏହି ପଥର ଉପରେ ନିଜ ଗାଁ ର କିମ୍ବା ନିଜ ପରିବାରର ନାଁ ଲେଖି ଦିଅନ୍ତି l ଏହାକୁ ରାଇ କୁହାଯାଇ ଥାଏ l ଏଠାକାର ଷ୍ଟୋନ କରେନ୍ସି ୟପବାସୀଙ୍କର ଜୀବନର ଗୋଟିଏ ଅଂଶ ହୋଇ ସାରିଛି l
ବଡ ଧରଣର ଲେନଦେନ ରେ ଏହି ବଡ଼ବଡ଼ ପଥରର ବିନିମୟ ହୋଇଥାଏ l ଯେପରିକି ଏହି ଦୀପ ର ଯଦି କୌଣସି ବ୍ୟକ୍ତିଙ୍କ ଦ୍ୱାରା କିଛି ଭୁଲ ହୋଇଯାଇ ଥାଏ ତେବେ ସମାଜର ବୈଠକ ହୋଇଥାଏ ଓ ଏହି ମିଟିଂ ରେ ସ୍ଥିର ହୋଇଥାଏ ଯେ ଉକ୍ତ ବ୍ୟକ୍ତି ଗାଁ ନାମରେ ଗୋଟିଏ ବଡ ପଥର କରିଦେଇ ଥାଏ l ଏହାର ବିଧିବଧ ଭାବରେ ରେକର୍ଡ ମଧ୍ୟ ରଖାଯାଇ ଥାଏ, ଯେପରିକି କୌଣସି ଭୁଲ ନହେଉ l କିଛି ପଥର ଏତେ ଓଜନ ହୋଇଥାଏ ଯେ ତାହାକୁ ଟ୍ରାନ୍ସପୋର୍ଟ କରାଯାଇ ପାରି ନଥାଏ ଓ ସେଠାରେ ଛାଡିଦିଆ ଯାଇଥାଏ ଓ ତା ସହିତ ମଧ୍ୟ ସଚେତନ କରିଦିଆ ଯାଏ ଯେ ତାର ମାଲିକ କିଏ l
ଏହି ପଥର ଗୁଡିକ ର ମୂଲ୍ୟ ଖାନଦାନୀ ସୁନାଗହଣା ଠାରୁ ମଧ୍ୟ ମୂଲ୍ୟବାନ ବୋଲି କୁହାଯାଏ l ଦ୍ଵିତୀୟ ବିଶ୍ୱଯୁଧ ବେଳକୁ ଟିକେ ସ୍ଥିତି ବଦଳିଲା, ଏହା ପୂର୍ବରୁ ଏହି ଦ୍ବୀପ ଉପରେ ସ୍ପେନ କବ୍ଜା କରିଥିଲା କାହିଁକି ନା ସମୁଦ୍ର ରାସ୍ତାରେ ସେନାଙ୍କୁ ପ୍ରସ୍ତୁତ କରାଯାଇ ପାରିବ l ବିଶ୍ୱଯୁଧ ସମୟରେ ଜାପାନ ର ଇମ୍ପେରିୟଲ ଆର୍ମି ଏହାକୁ କବ୍ଜା କରିଥିଲା ଓ ଷ୍ଟୋନ କାରେନ୍ସି ର ଅଲଗା ପ୍ରକାରର ଉପଯୋଗ ହେଲା ଲ ଗାଁ ଓ ଘର ଗୁଡ଼ିକରୁ କାରେନ୍ସି ଉଠାଇ ବିଭିନ୍ନ ନିର୍ମାଣ କାର୍ଯ୍ୟରେ ବ୍ୟବହାର କରାଗଲା l ଏହାପରେ ଷ୍ଟୋନ କାରେନ୍ସି ସ୍ଥାନରେ ଆଧୁନିକ ମୁଦ୍ରାର ବ୍ୟବହାର ହେଲା କିନ୍ତୁ ବିବାହ ଭଳି ବଡ଼ ବଡ଼ କାର୍ଯ୍ୟରେ କିଣାକିଣି ପାଇଁ ପଥର ଏକ୍ସଚେଞ୍ଜ କରାଯାଇ ଥାଏ l