କୋଭିଡ ଟିକା ନେଇଥିଲେ ଶରୀରରେ ଦେଖା ଦେଇପାରେ ବିରଳ ପାର୍ଶ୍ଵ ପ୍ରତିକ୍ରିୟା

କୋଭିଡ ମହାମାରୀ ସମୟରେ ଅନେକ ଟିକା ସାମ୍ନାକୁ ଆସିଥିଲା। ଜୀବନ ବଞ୍ଚାଇବା ପାଇଁ ସମସ୍ତେ ପ୍ରାୟ ଏହି ଟିକା ନେଇଥିଲେ। ତେବେ କରୋନା ଟିକା କୋଭିଶିଲ୍ଡ ବିଷୟରେ ବଡ ଖବର ସାମ୍ନାକୁ ଆସିଛି । ଆଷ୍ଟ୍ରାଜେନେକା ପ୍ରଥମଥର ପାଇଁ କୋର୍ଟ ଡକ୍ୟୁମେଣ୍ଟରେ ସ୍ୱୀକାର କରିଛି ଯେ, କୋଭିଡ୍-୧୯ଟିକାରେ ଟିଟିଏସ ଭଳି ବିରଳ ପାର୍ଶ୍ୱ ପ୍ରତିକ୍ରିୟା ଥାଇପାରେ । ଉଲ୍ଲେଖଯୋଗ୍ୟ ଯେ thrombocytopenia syndrome (TTS) ଶରୀରରେ ରକ୍ତ ଜମା ଏବଂ କମ୍ ପ୍ଲେଟଲେଟ୍ କାଉଣ୍ଟର କାରଣ ହୋଇଥାଏ ।

ୟୁକେ ମିଡିଆ ରିପୋର୍ଟ ଅନୁଯାୟୀ, ଅକ୍ସଫୋର୍ଡ-ଆଷ୍ଟ୍ରାଜେନେକା କୋଭିଡ୍ ଭ୍ୟାକ୍ସିନ୍ କୋଭିଶିଲ୍ଡ ଏବଂ ୱାକସିସେର୍ ବ୍ରାଣ୍ଡ ନାମରେ ବିଶ୍ୱରେ ବିକ୍ରି ହୋଇଥିଲା । ୟୁକେ ହାଇକୋର୍ଟ ଦିଆଯାଇଥିବା ଆଇନଗତ ଡକ୍ୟୁମେଣ୍ଟରେ ଆଷ୍ଟ୍ରାଜେନେକା ସ୍ୱୀକାର କରିଛି କି, ତାଙ୍କ ଟିକା ବିରଳ ଟିଟିଏସର କାରଣ ହୋଇପାରେ ।

ତେବେ ଫାର୍ମାସ୍ୟୁଟିକାଲ କ୍ଲାସ-ଆକ୍ସନ୍ ମାମଲାର ସାମ୍ନା କରିବାକୁ ପଡୁଛି, ଯେଉଁଥିରେ ଅକ୍ସଫୋର୍ଡ ବିଶ୍ୱବିଦ୍ୟାଳୟର ସହଯୋଗରେ ବିକଶିତ ତାଙ୍କ ଟିକା ଉପରେ  ଅଭିଯୋଗ ଲାଗିଛି । ଜେମି ସ୍କଟ ନାମକ ଜଣେ ବ୍ୟକ୍ତି ଏହି କ୍ଷେତ୍ରରେ ଏକ କେସ୍ କରିଥିଲେ, ଯିଏ ଏପ୍ରିଲ୍ ୨୦୨୧ ରେ ଆଷ୍ଟ୍ରାଜେନେକା ଟିକା ନେବା ପରେ ମସ୍ତିଷ୍କ କ୍ଷତିର ଶିକାର ହୋଇଥିଲେ ।

ବ୍ରିଟେନର ମିଡିଆ ଲେଖିଛନ୍ତି ଯେ, ସୁରକ୍ଷା ହେତୁ ଆଷ୍ଟ୍ରାଜେନେକା-ଅକ୍ସଫୋର୍ଡ ଟିକା ଆଉ ଦିଆଯାଉ ନାହିଁ । ଯେହେତୁ ଆଇନଗତ ପ୍ରକ୍ରିୟା ସାମ୍ନାକୁ ଆସୁଛି, ଏଥିରେ ପ୍ରଭାବିତ ବ୍ୟକ୍ତି ଏବଂ ସେମାନଙ୍କ ପରିବାର ଟିକାରୁ ହେଉଥିବା ପାର୍ଶ୍ୱ ପ୍ରତିକ୍ରିୟା ପାଇଁ ଉପଯୁକ୍ତ କ୍ଷତିପୂରଣ ଦାବି କରୁଛନ୍ତି ।