ଅପରାଧିକ ମାନହାନୀ କେସ୍ରେ ଦୋଷୀ ସାବ୍ୟସ୍ତ ହୋଇ ଲୋକସଭା ସଦସ୍ୟତା ପଦ ହରାଇଥିବା କଂଗ୍ରେସ ନେତା ରାହୁଲ ଗାନ୍ଧି ଆଜି ସରକାରୀ ବଙ୍ଗଳା ଖାଲି କରିବା ପ୍ରକ୍ରିୟା ଆରମ୍ଭ କରିଛନ୍ତି। ୧୨ ତୋଗଲକ ରୋଡ୍ରେ ଥିବା ରାହୁଲ ଗାନ୍ଧିଙ୍କ ବଙ୍ଗଳାରୁ ଆଜି ଜିନିଷପତ୍ର କଢ଼ା ଯାଉଥିବା ଭିଡିଓ ସାମ୍ନାକୁ ଆସିଛି। ଟ୍ରକ୍ ଯୋଗେ ରାହୁଲ ନିଜ ଜିନିଷପତ୍ରକୁ ୧୦ ଜନପଥରେ ଥିବା ମା’ ସୋନିଆ ଗାନ୍ଧିଙ୍କ ବାସଭବନକୁ ନେଇଛନ୍ତି। ଏବେ ରାହୁଲ ସେଠାରେ ରହିବେ ବୋଲି ଜଣାପଡ଼ିଛି।
ଆହୁରି ପଢ଼ନ୍ତୁ...
ଲୋକସଭା ସଦସ୍ୟତା ପଦ ରଦ୍ଦ ହୋଇଥିବାରୁ ରାହୁଲ ଗାନ୍ଧିଙ୍କୁ ଏପ୍ରିଲ ୨୨ ସୁଦ୍ଧା ବଙ୍ଗଳା ଖାଲି କରିବାକୁ ନୋଟିସ ଆସିଥିଲା। ଏହି ସମୟସୀମା ମଧ୍ୟ ରାହୁଲ ଘର ଖାଲି କରିଦେବେ ବୋଲି ମଧ୍ୟ କହିଥିଲେ। ଏହିକ୍ରମରେ ଆଜି ଅର୍ଥାତ ଏପ୍ରିଲ ୧୪ରୁ ସେ ଘର ଖାଲି କରିବା ପ୍ରକ୍ରିୟା ଆରମ୍ଭ କରିଦେଇଛନ୍ତି।