ଦୁବାଇ : ଆଇସିସି ଦିନିକିଆ ଟପ୍ 10 ତାଲିକା ଆଜି ପ୍ରକାଶ କରିଛି | ଦିନିକିଆ ମାନ୍ୟତା ତାଲିକାରେ ଭାରତୀୟ ଦଳର ଦୁଇ ଖେଳାଳି ବିରାଟ କୋହଲି ଓ ରୋହିତ ଶର୍ମା ସ୍ଥାନ ବଜାୟ ରଖିଛନ୍ତି । ବ୍ୟାଟିଂରେ କୋହଲି ଦ୍ୱିତୀୟ ଓ ରୋହିତ ତୃତୀୟ ସ୍ଥାନରେ ରହିଛନ୍ତି । କୋହଲି ୮୨୮ ପଏଣ୍ଟ ସହ ଦ୍ୱିତୀୟରେ ରହିଛନ୍ତି । ରୋହିତଙ୍କ ପଏଣ୍ଟ ସଂଖ୍ୟା ୮୦୭ରେ ପହଞ୍ଚିଛି । ମାନ୍ୟତା ତାଲିକାରେ ପାକିସ୍ତାନର ବାବର ଆଜମ ଶୀର୍ଷ ସ୍ଥାନ ବଜାୟ ରଖିଛନ୍ତି ।
ଆହୁରି ପଢ଼ନ୍ତୁ...
ସେହିପରି ଦକ୍ଷିଣ ଆଫ୍ରିକାର କ୍ୱିଣ୍ଟନ ଡି କକ୍ ଚତୁର୍ଥ, ଅଷ୍ଟ୍ରେଲିଆର ଆରୋନ ଫିଞ୍ଚ ପଞ୍ଚମ, ଇଂଲଣ୍ଡର ଜନି ବେୟାରଷ୍ଟୋ ଷଷ୍ଠ, ଅଷ୍ଟ୍ରେଲିଆର ଡେଭିଡ୍ ୱାର୍ଣ୍ଣର ସପ୍ତମ, ଦକ୍ଷିଣ ଆଫ୍ରିକାର ରାଶି ଭାନ ଡର ଡୁସେନ ଅଷ୍ଟମ, ପାକିସ୍ତାନର ଫଖାର ଜମାନ ନବମ ଓ ଇଂଲଣ୍ଡର ଜୋ ରୁଟ୍ ଦଶମ ସ୍ଥାନରେ ରହିଛନ୍ତି । ବୋଲିଂ ମାନ୍ୟତା ତାଲିକାର ଶୀର୍ଷ ୧୦ରେ ଭାରତର କେବଳ ଯଶପ୍ରୀତ ବୁମରା ସ୍ଥାନ ପାଇଛନ୍ତି । ସେ ସପ୍ତମ ସ୍ଥାନରେ ରହିଛନ୍ତି ।