ହତ୍ୟା ଅଭିଯୁକ୍ତ କୁ ଆଜୀବନ କାରା ଦଣ୍ଡା ଦେଶ ଶୁଣା ଇଲେ କେନ୍ଦୁଝର ଜିଲ୍ଲା ଦୌରା ଜଜ କୋୖର୍ଟ

ହତ୍ୟା ଅଭିଯୁକ୍ତ ଚଷା ଦେହୁରୀ କୁ ଆଜୀବନ କାରାଦଣ୍ଡାଦେଶ ସଜା ଶୁଣାଇଲେ କେନ୍ଦୁଝର ଜିଲ୍ଲା ଦୌରାଜଜ୍ କୋର୍ଟ । ଏଥିସହ, ୧୦ ହଜାର ଟଙ୍କା ଜୋରିମାନା ମଧ୍ୟ କଲେ । ଜୋରିମାନା ଅନାଦେୟ, ଅଧିକ ୧ବର୍ଷ ସଶ୍ରମ ସଜା ଶୁଣାଇଲେ କୋର୍ଟ । ୭-୧୦-୨୦୨୧ ତାରିଖରେ ନୟାକୋଟ ଥାନା କଡ଼ାକଳା ଗାଁରେ ସାମାନ୍ୟ ବଚସାକୁ ନେଇ ନୀଳ ଗିରି କୁ ତୀର ମାରି ହତ୍ୟା କରିଥିଲା ଅଭିଯୁକ୍ତ ଚଷା ଦେହୁରୀ । ସେହିଦିନ, ନିଳ ଗିରି, ଜଗଦୀଶ ଦେହୁରୀ ଏବଂ ସାଗୁ ଦେହୁରୀ ମିଶି ବଳଦ ଚରାଉଥିଲେ ।

ଏହି ସମୟରେ ଚଷା ଦେହୁରୀ ବାଡ଼ିରେ ପଶି କିଛି ବିରି ଏବଂ ମୁଗ ଗଛ ବଳଦ ଖାଇଦେଇଥିଲେ । ଯାହାକୁ ନେଇ, ଚଷା ଦେହୁରୀ ଉତ୍ୟକ୍ତ ହୋଇ ଟାଙ୍ଗିଆ ପଛପଟ ବେଣ୍ଟରେ ୩ଜଣଙ୍କୁ ଆକ୍ରମଣ କରିଥିଲା । ସେମାନେ ଏହାକୁ ବିରୋଧ କରିବାରୁ, ଚଷା ଦେହୁରୀ ଘରକୁ ଯାଇ, ଧନୁ,ତୀର ଆଣି ସେଥିରେ ନୀଳ ଗିରିର ଛାତିକୁ ବିନ୍ଧି ଦେଇଥିଲା । ଫଳରେ ଘଟଣାସ୍ଥଳରେ ହିଁ ନୀଳ ଗିରିର ପ୍ରାଣବାୟୁ ଉଡିଯାଇଥିଲା । ଯାହାକୁ ନେଇ, ମୃତ ନୀଳ ଗିରିର ଭାଇ ରମେଶ ଗିରି ନୟାକୋଟ ଥାନାରେ ଲିଖିତ ଅଭିଯୋଗ କରିଥିଲେ । ଆଜି ମାନ୍ୟବର କୋର୍ଟ, ୯ଜଣ ସାକ୍ଷୀଙ୍କର ବୟାନକୁ ଭିତ୍ତି କରି ଚଷା ଦେହୁରୀକୁ ଦୋଷୀ ସାବ୍ୟସ୍ତ କରିଛନ୍ତି ।