ନିଖୋଜ ଇଞ୍ଜିନିୟରିଂ ଛାତ୍ରୀ ସ୍ୱିଟି ରାୟ ସୁରାଗ

ସ୍ୱିଟି ନିଖୋଜ ହେବା ବେଳେ ତାଙ୍କ ନିକଟରେ ଜଣେ ଯୁବକ ଛିଡ଼ା ହୋଇଥିବା ସିସିଟିଭି ଫୁଟେଜରେ ଦେଖିବାକୁ ମିଳିଥିଲା। ସ୍ୱିଟି ଉକ୍ତ ଯୁବକଙ୍କ ସହ କଥା ହେଉଥିଲେ, ପାଖରେ ଛିଡ଼ା ହୋଇଥିଲେ। ହେଲେ ଏହାପରେ ହଠାତ୍‌ ଉଭୟ ଅନ୍ତର୍ଦ୍ଧାନ ହୋଇ ପଡ଼ିଥିବା ବେଳେ ସ୍ୱିଟିଙ୍କ ଫୋନ୍‌ ସୁଇଚ ଅଫ୍‌ ଆସିଥିଲା।ପୁଲିସ୍‌ ତଦନ୍ତ କରି ଉକ୍ତ ଯୁବକଙ୍କ ଘର ଚିତପୁରରେ ବୋଲି ଠାବ କରିଛି। ଏହାପରେ ତାଙ୍କ ମୋବାଇଲ ନଂ ଟ୍ରାସିଂ କରାଯିବାରୁ ସେ ଚିତପୁରରେ ଥିବା  ଜଣାପଡ଼ିଥିଲା। ସ୍ୱିଟି ବି ତାଙ୍କ ସହ ଥାଇପାରନ୍ତି ବୋଲି ଅନୁମାନ କରି ପୁଲିସ୍‌ ଏବେ ଉଭୟଙ୍କୁ ଠାବ କରିବାକୁ ପ୍ରୟାସ ଆରମ୍ଭ କରିଛି। ଏଥିନିମନ୍ତେ ସ୍ଥାନୀୟ ପୁଲିସ୍‌ର ସହାୟତା ଲୋଡ଼ିଛି।