ଭୁବନେଶ୍ୱର: ଶାସନ କଥା ଚୁଲିକୁ ଯାଉ, ଟେବୁଲ ଉପରେ ଦାମୀ ମଦ ବୋତଲ ଓ ପିଆଲା, ହାତରେ ଦାମୀ ସିଗାର । ସିଗାରରୁ ବାହାରୁଥିବା ଧୂମ କୁଣ୍ଡଳୀ ଭିତରେ ଓଡ଼ିଶାର ବିକାଶକୁ ଉପଭୋଗ କରୁଥିଲେ ବାବୁ ନବୀନ ପଟ୍ଟନାୟକ । ଆମର ପ୍ର୍ରିୟ ପୂର୍ବତନ ଆଦର୍ଶ ମୁଖ୍ୟମନ୍ତ୍ରୀ । ବିଜୁବାବୁଙ୍କ ସ୍ୱପ୍ନଗୁଡ଼ିକ ପୂରଣ କରିବାର ଅଭିଳାଷ ତାଙ୍କୁ ୨୪ ବର୍ଷ ପାଇଁ ମୁଖ୍ୟମନ୍ତ୍ରୀ ଆସନରେ ବସାଇବାର ସୁଯୋଗ ଦେଇଥିଲା ।
ଆହୁରି ପଢ଼ନ୍ତୁ...
ଯୋଉମାନଙ୍କ ଭୋଟ ବଳରେ ବାବୁ ନବୀନ ୫ ଥର ମୁଖ୍ୟମନ୍ତ୍ରୀ ହେବାର ଇତିହାସ ରଚିଲେ । ସେଇ ଭୋଟରମାନେ ସମୟ ସୁଅରେ ଭାସି ଯାଇ କେତେବେଳେ ଭୂତ ପାଲଟି ଗଲେ, ତା’ର ଖୋଜଖବର ନବୀନ ବାବୁଙ୍କ ପାଖରେ ନଥିଲା । ନାଲିପାଣି ନିଶାରେ ପ୍ରାୟ ୧ ଲକ୍ଷ ୭୭ ହଜାର ଭୂତଙ୍କୁ ରାସନ ଚାଉଳ ଯୋଗାଇ ଚାଲିଥିଲେ ।
ଏବକାର ବିଜେପି ସରକାର ହିତାଧିକାରୀଙ୍କ ତାଲିକା ଯାଂଚ କରିବାରୁ ସତକଥା ସାମ୍ନାକୁ ଆସିଥିଲା । ରାଜ୍ୟରେ ୧ ଲକ୍ଷ ୭୭ ହଜାରରୁ ଅଧିକ ଭୂତ ହିତାଧିକାରୀ ଚାଉଳ ନେଉଥିବା ବିଷୟ ରାଜ୍ୟ ବିଧାନସଭାକୁ ଅବଗତ କରିଥିଲେ ରାଜ୍ୟ ଯୋଗାଣ ମନ୍ତ୍ରୀ ।