ଝାଡ଼ଖଣ୍ଡ: ମର୍ମନ୍ତୁଦ ସଡକ ଦୁର୍ଘଟଣା ରେ ଗଲା ପରିବାର ୪ ଜୀବନ। ଏଭଳି ଦୁଖଦ ଘଟଣା ଘଟିଛି ଝାଡ଼ଖଣ୍ଡ ଖୁଣ୍ଟି ନିକଟସ୍ଥ ତରପା ଚୁର୍ଗି ନଦୀ ନିକଟରେ। ଗଛରେ କାର୍ ପିଟି ହେବା ଯୋଗୁ ଗୋଟିଏ ପରିବାରର ୪ ଜଣ ସଦସ୍ୟଙ୍କ ମୃତ୍ୟୁ ଘଟିଛି। ଦୁର୍ଘଟଣାରେ ୨ ଜଣ ଗୁରୁତର ଆହତ ମଧ୍ୟ ହୋଇଛନ୍ତି। ୨ ଗୁରୁତରଙ୍କୁ ରାଞ୍ଚି ସ୍ଥିତ ରିମ୍ସ ହସ୍ପିଟାଲରେ ଭର୍ତ୍ତି କରାଯାଇଛି। ସମସ୍ତ ମୃତାହତ ରାଉରକେଲା ସିଭିଲ୍ ଟାଉନସିପ୍ ଅଞ୍ଚଳର। ସୂଚନା ଅନୁସାରେ, ବ୍ୟବସାୟୀ କହ୍ନେଇଆ ସ୍ତ୍ରୀ ଓ ନିଜ ୨ ଶିଶୁଙ୍କ ସହ କାର୍ରେ ପଶ୍ଚିମବଙ୍ଗ ରାଣୀଗଞ୍ଜରୁ ରାଉରକେଲା ଫେରୁଥିଲେ। ଏହି ସମୟରେ ତରପା ଚୁର୍ଗି ନଦୀ ନିକଟରେ ଦ୍ରୁତ ବେଗରେ ଆସୁଥିବା ଏକ ଟ୍ରକ୍ ସହ ଧକ୍କା ହୋଇ କାର୍ଟି ରାସ୍ତା କଡ଼ରେ ଥିବା ଏକ ଗଛରେ ପିଟି ହୋଇଯାଇଥିଲା। ଫଳରେ ଘଟଣାସ୍ଥଳରେ ହିଁ କହ୍ନେଇଆ, ତାଙ୍କ ସ୍ତ୍ରୀ ଓ ୨ ଶିଶୁଙ୍କ ମୃତ୍ୟୁ ଘଟିଥିଲା। ପରିବାରରେ ଶୋକର ଛାୟା ଖେଳି ଯାଇଛି। ଦୁର୍ଘଟଣାରେ କାର୍ଟି ସମ୍ପୂର୍ଣ୍ଣ ଭାବରେ କ୍ଷତିଗ୍ରସ୍ତ ହୋଇଛି। ଖବରପାଇ ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
Next Post