ନୂଆଦିଲ୍ଲୀ : ଜାନୁଆରୀ ମାସରେ ଜିଏସଟି ୧.୩୮ ଲକ୍ଷ କୋଟି ଟଙ୍କା ଛୁଇଁ ରେକର୍ଡ କରିଛି । ଗତ ବର୍ଷ ତୁଳନାରେ ଏଥିରେ ୧୫ ପ୍ରତିଶତ ବୃଦ୍ଧି ଘଟିଛି । ଜାନୁଆରୀ ୩୦ ସୁଦ୍ଧା ୧.୦୫ କୋଟି ଜିଏସ୍ଟିଆର-୩ବି ଫାଇଲ କରାଯାଇଛି । ଏହା ମଧ୍ୟରେ ୩୬ ଲକ୍ଷ ତୈ÷ମାସିକ ରିଟର୍ନ ସାମିଲ ଥିବା ଅର୍ଥ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି । ସେହିପରି କ୍ରମାଗତ ୪ ମାସ ହେଲା ଜିଏସଟି ଆଦାୟ ୧.୩୦ ଲକ୍ଷ କୋଟି ଟଙ୍କା ପାର କରୁଛି ।
ଆହୁରି ପଢ଼ନ୍ତୁ...
ଜାନୁଆରୀରେ ଆଦାୟ ହୋଇଥିବା ମୋଟ ଜିଏସ୍ଟି ମଧ୍ୟରେ କେନ୍ଦ୍ର ଜିଏସଟି ବାବଦ ୨୪,୬୭୪ କୋଟି, ୭୨,୦୩୦ କୋଟି ଟଙ୍କାର ସମନ୍ୱିତ ଜିଏସଟି, ୩୨,୦୧୬ କୋଟି ଟଙ୍କାର ରାଜ୍ୟ ଜିଏସ୍ଟି ଏବଂ ୯, ୬୭୪ କୋଟି ଟଙ୍କାର ସେସ ସାମିଲ ରହିଛି । ସୂଚନାଯୋଗ୍ୟ ଯେ, ୨୦୨୧ରେ କେନ୍ଦ୍ର ସର୍ବାଧିକ ୧.୩୯ ଲକ୍ଷ କୋଟି ଟଙ୍କାର ଜିଏସଟି ଆଦାୟ କରିବାକୁ ସକ୍ଷମ ହୋଇଥିଲେ । ସେହିପରି ୨୦୨୦ ତୁଳନାରେ ଜିଏସ୍ଟି ଆଦାୟ ୨୫% ଉପରେ ରହିଛି ।