‘ଠିପିଏ ମଦ ଶରୀର ପାଇଁ ଟନିକ ଭଳି’

ସ୍ପେନ୍‌ ମାନସିକ ବିଶେଷଜ୍ଞ ସାରାହ ବସ୍‌ କହନ୍ତି, ମଦ ସେବନ ପରେ କିଛି ଲୋକ ମାନସିକ ଭାରାକ୍ରାନ୍ତରୁ ମୁକ୍ତ ଅବା ହାଲୁକା ଅନୁଭବ କରନ୍ତି ତ କିଛି ଲୋକ ଅଧିକ ଉତ୍ସାହ ଅନୁଭବ କରନ୍ତି । ମସ୍ତିଷ୍କର ସିଗନାଲିଂ ସିଷ୍ଟମ୍‌ ଅନୁସାରେ ମଦୁଆଟିଏ ପ୍ରତିକ୍ରିୟା ପ୍ରକାଶ କରିଥାନ୍ତି । ଆଲକୋହଲ ନ୍ୟୁରୋଟ୍ରାନ୍ସମିଟର୍ସ ସହିତ ମିଶିଯିବା ଫଳରେ ମସ୍ତିଷ୍କ ତଡିତ୍‌ ବେଗରେ ନିର୍ଦ୍ଦେଶ ଦେବା ବନ୍ଦ କରିଦିଏ । ମଦୁଆଟିର ଆଚରଣ ଓ ଉଚ୍ଚାରଣ ସଂପୂର୍ଣ୍ଣ ବଦଳିଯାଏ ।

କେବେ କ୍ୱଚିତ୍‌ ଟିକିଏ ମଦ ପିଉଥିବା ଲୋକମାନଙ୍କର କୋମଳ ତ୍ୱଚା ଶୁଷ୍କ ପଡ଼ିଯାଏ । ଆଖିର ତଳପାଖ ଓ ଗାଲ ଲୋଚାକୋଚା ହୋଇଯାଏ । କିଛିଲୋକ ବାନ୍ତି କରିଥାନ୍ତି । କିଛି ଲୋକ ବାରମ୍ବାର ପରିସ୍ରା କରନ୍ତି । କିଛି ଲୋକଙ୍କର ରକ୍ତଚାପ ବଢ଼ିଯାଏ । କିଛି ଲୋକଙ୍କ ଭଲଭାବରେ ଦେଖି ପାରନ୍ତିନି । ଜମାରୁ ମଦ ପିଉ ନଥିବା ଲୋକଟିଏ ଅକାଳେ ସକାଳେ ଚାରିଠିପି ମଦ ପିଇ ୨୪ ଘଂଟା ପାଇଁ ଶୋଇପଡନ୍ତି ।

କିଛି ଲୋକଙ୍କ ମୁଣ୍ଡବିନ୍ଧା ହୁଏ । କିଛି ଲୋକ ହାଲିଆ ଅନୁଭବ କରନ୍ତି । କିଛି ଲୋକ ଧୈର୍ଯ୍ୟହରା ଅନୁଭବ କରନ୍ତି । କିଡ୍‌ନୀକୁ ସନ୍ତୁଳନ ରଖୁଥିବା ହର୍ମୋନ୍‌ ପରିମାଣ କମିଯାଏ ।

ଅଧିକ ମଦ ସେବନ କରିବା ଫଳରେ ଜଣେ ମଦ୍ୟପ ମାନସିକ ଓ ଶାରୀରିକ ଭାବେ ରୋଗାକ୍ରାନ୍ତ ହୁଅନ୍ତି । ମସ୍ତିଷ୍କ ଉପରେ ମଦର ଅଧିକ ପ୍ରଭାବ ପଡ଼ିଥାଏ । ଶରୀରରୁ କ୍ଷରିତ ହେଉଥିବା ଅଧିକାଂଶ ହର୍ମୋନ୍‌ ନକାରାତ୍ମକ ପ୍ରଭାବ ପକାଇଥାଏ ।