କେନ୍ଦ୍ର ସରକାର ପିଭିଏସଏମ, ଏଭିଏସଏମ, ଏନଏମ ଭାଇସ୍ ଆଡମିରାଲ ଦୀନେଶ କୁମାର ତ୍ରିପାଠୀଙ୍କୁ ନୂଆ ନୌସେନା ମୁଖ୍ୟ ଭାବେ ନିଯୁକ୍ତ କରିଛନ୍ତି । ସେ ୩୦, ଏପ୍ରିଲ୍ ୨୦୨୪ ମଧ୍ୟାହ୍ନ ପରେ ଏହି ଦାୟିତ୍ବ ଗ୍ରହଣ କରିବେ। ବର୍ତ୍ତମାନ ଭାଇସ୍ ଆଡମିରାଲ ତ୍ରିପାଠୀ ନୌସେନା ଉପମୁଖ୍ୟ ଭାବେ କାର୍ଯ୍ୟ କରୁଛନ୍ତି। ବର୍ତ୍ତମାନର ନୌସେନା ମୁଖ୍ୟ ପିଭିଏସଏମ, ଏଭିଏସଏମ, ଭିଏସଏମ ଆଡମିରାଲ ଆର ହରି କୁମାର ଏପ୍ରିଲ ୩୦, ୨୦୨୪ରେ ଅବସର ନେଉଛନ୍ତି ।
୧୯୬୪ ମସିହା ମଇ ୧୫ ତାରିଖରେ ଜନ୍ମଗ୍ରହଣ କରିଥିବା ଭାଇସ୍ ଆଡମିରାଲ ଦୀନେଶ କୁମାର ତ୍ରିପାଠୀ ୧୯୮୫ ମସିହା ଜୁଲାଇ ୧ ତାରିଖରେ ଭାରତୀୟ ନୌସେନାର କାର୍ଯ୍ୟନିର୍ବାହୀ ଶାଖାରେ ଯୋଗ ଦେଇଥିଲେ। ଜଣେ ଯୋଗାଯୋଗ ଏବଂ ବୈଦ୍ୟୁତିକ ଯୁଦ୍ଧ ବିଶେଷଜ୍ଞ, ସେ ପାଖାପାଖି ୩୯ ବର୍ଷ ଧରି ଦୀର୍ଘ ଏବଂ ବିଶିଷ୍ଟ ସେବା କରିଛନ୍ତି । ନୌସେନା ର ଉପମୁଖ୍ୟ ଭାବେ ଦାୟିତ୍ୱ ଗ୍ରହଣ କରିବା ପୂର୍ବରୁ ସେ ପଶ୍ଚିମ ନୌସେନା କମାଣ୍ଡର ଫ୍ଲାଗ ଅଫିସର କମାଣ୍ଡିଂ-ଇନ୍-ଚିଫ୍ ଭାବରେ କାର୍ଯ୍ୟ କରିଥିଲେ ।
ଭି ଏଡିଏମ୍ ଡିକେ ତ୍ରିପାଠୀ ଭାରତୀୟ ନୌସେନା ଜାହାଜ ବିନାଶ, କିର୍ଚ ଏବଂ ତ୍ରିଶୁଲର ନେତୃତ୍ୱ ନେଇଛନ୍ତି। ପଶ୍ଚିମ ଫ୍ଲିଟ୍ ର ଫ୍ଲିଟ୍ ଅପରେସନ୍ ଅଫିସର ଙ୍କ ସମେତ ସେ ବିଭିନ୍ନ ଗୁରୁତ୍ୱପୂର୍ଣ୍ଣ ପରିଚାଳନା ଏବଂ କର୍ମଚାରୀ ନିଯୁକ୍ତି ମଧ୍ୟ କରିଛନ୍ତି; ନୌସେନା ଅପରେସନ୍ ନିର୍ଦ୍ଦେଶକ; ନୂଆଦିଲ୍ଲୀଠାରେ ନେଟୱାର୍କ ସେଣ୍ଟ୍ରିକ୍ ଅପରେସନର ପ୍ରମୁଖ ନିର୍ଦ୍ଦେଶକ ଏବଂ ନାଭାଲ୍ ପ୍ଲାନର ପ୍ରମୁଖ ନିର୍ଦ୍ଦେଶକ। ଜଣେ ରିୟର ଆଡମିରାଲ ଭାବରେ, ସେ ସହକାରୀ ନୌସେନା ମୁଖ୍ୟ (ନୀତି ଏବଂ ଯୋଜନା) ଏବଂ ଫ୍ଲାଗ ଅଫିସର କମାଣ୍ଡିଂ ଇଷ୍ଟର୍ଣ୍ଣ ଫ୍ଲିଟ୍ ଭାବରେ କାର୍ଯ୍ୟ କରିଛନ୍ତି ।
ଭାଇସ୍ ଆଡମିରାଲ ପାହ୍ୟାରେ ସେ ସମ୍ମାନଜନକ ଭାରତୀୟ ନୌସେନା ଏକାଡେମୀ, ଏଜିମାଲାର କମାଣ୍ଡାଣ୍ଟ, ନୌସେନା ଅପରେସନ୍ ମହାନିର୍ଦ୍ଦେଶକ; ପଶ୍ଚିମ ନୌସେନା କମାଣ୍ଡର ଚିଫ୍ ଅଫ୍ ପର୍ସନାଲ୍ ଏବଂ ଫ୍ଲାଗ୍ ଅଫିସର କମାଣ୍ଡିଂ-ଇନ୍-ଚିଫ୍ ଭାବରେ କାର୍ଯ୍ୟ କରିଛନ୍ତି ।
ସୈନିକ ସ୍କୁଲ, ରେୱା ଏବଂ ନ୍ୟାସନାଲ ଡିଫେନ୍ସ ଏକାଡେମୀ, ଖଡ଼କୱାସଲାର ପୂର୍ବତନ ଛାତ୍ର ଭାଇସ ଆଡମିରାଲ ଦୀନେଶ କୁମାର ତ୍ରିପାଠୀ ୱେଲିଂଟନର ଡିଫେନ୍ସ ସର୍ଭିସେସ୍ ଷ୍ଟାଫ୍ କଲେଜ, ନାଭାଲ ହାୟର କମାଣ୍ଡ କୋର୍ସ, କରଞ୍ଜା ଏବଂ ଯୁକ୍ତରାଷ୍ଟ୍ର ଆମେରିକାର ନାଭାଲ ୱାର କଲେଜରେ ନାଭାଲ କମାଣ୍ଡ କଲେଜରୁ ପାଠ୍ୟକ୍ରମ କରିଛନ୍ତି ।