ନୂଆଦିଲ୍ଲୀ: ‘ପଠାନ୍’ ଚଳଚ୍ଚିତ୍ର ମୁକ୍ତିଲାଭ କରିବାର ଗୋଟିଏ ସପ୍ତାହ ପୁରା ହୋଇଛି। ଏହି ସପ୍ତାହେ ମଧ୍ୟରେ ଶାହରୁଖ୍ଙ୍କ ଫିଲ୍ମ ପ୍ରତ୍ୟେକ ଦିନ ନୂଆ ନୂଆ ରେକର୍ଡ଼ ଭାଙ୍ଗିଛି। ସାରା ବିଶ୍ବରେ ଏହି ଚଳଚ୍ଚିତ୍ର ଜବରଦସ୍ତ ଆୟ କରୁଛି। ଇତି ମଧ୍ୟରେ ସୂଚନା ମିଳିଛି ଯେ, ଗୋଟିଏ ସପ୍ତାହରେ ‘ପଠାନ୍’ ବିଶ୍ବବ୍ୟାପୀ ୬୦୦ କୋଟିରୁ ଊର୍ଦ୍ଧ୍ବ ଟଙ୍କା ଆୟ କରିଛି, ଯାହା ଫଳରେ ଫିଲ୍ମର କଳାକାରଙ୍କଠାରୁ ଆରମ୍ଭ କରି ପ୍ରଶଂସକମାନେ ମଧ୍ୟ ଖୁସିିରେ ଆତ୍ମବିଭୋର ହୋଇଛନ୍ତି।
ଆହୁରି ପଢ଼ନ୍ତୁ...
ଟ୍ରେଡ୍ ଆନାଲିଷ୍ଟ ରମେଶ ବାଲାଙ୍କ ମୁତାବକ, ଶାହରୁଖ ଖାନ୍, ଦୀପିକା ପାଦୁକୋନ ଓ ଜନ୍ ଆବ୍ରାହମ୍ ଅଭିନୀତ ‘ପଠାନ୍’ ମାତ୍ର ସପ୍ତାହେ ମଧ୍ୟରେ ବିଶ୍ବବ୍ୟାପୀ ବକ୍ସ ଅଫିସରେ ୬୪୦ କୋଟି ଟଙ୍କା ଆୟ କରିଛି। ଏହି ଖବର ଶୁଣି ପ୍ରଶଂସକମାନେ ଖୁବ୍ ଖୁସି ହେବା ସହ ଶାହରୁଖଙ୍କର ଭୁରିଭୁରି ପ୍ରଶଂସା କରିଛନ୍ତି।