କୋଟା: ଏକ ବରଯାତ୍ରୀ ଗାଡ଼ି ଭାରସାମ୍ୟ ହରାଇ କୋଟାର ନୟାପୁରା କଲଭର୍ଟରୁ ଚମ୍ବଲ ନଦୀକୁ ଖସିପଡ଼ିବା ଫଳରେ ୯ ଜଣଙ୍କର ମୃତ୍ୟୁ ଘଟିଛି। ସୂଚନା ପାଇ ପୁଲିସ ଓ ପ୍ରଶାସନ ଘଟଣାସ୍ଥଳରେ ପହଞ୍ଚିଛି।
ଆହୁରି ପଢ଼ନ୍ତୁ...
ସୂଚନା ମୁତାବକ, ମୃତକଙ୍କ ମଧ୍ୟରେ ବର ମଧ୍ୟ ସାମିଲ। ପୁଲିସ ବର୍ତ୍ତମାନ ଗାଡ଼ିକୁ ବାହାରକୁ ଆଣିବାକୁ ଚେଷ୍ଟା ଜାରି ରଖିଛି। ବରପକ୍ଷ ଲୋକ ସୱାଇ ମାଧୋପୁରରୁ ସକାଳ ୫ଟା ୩୦ ସମୟରେ ବରଯାତ୍ରୀ ଧରି ଉଜ୍ଜୈନ ଅଭିମୁଖେ ଯାଉଥିଲେ। ଏହି ସମୟରେ ବରଯାତ୍ରୀ ଗାଡ଼ି ଭାରସାମ୍ୟ ହରାଇ କୋଟା ସ୍ଥିତ ନୟାପୁରା କଲଭର୍ଟରୁ ଚମ୍ବଲ ନଦୀକୁ ଖସି ପଡ଼ିଥିଲା। କାରରେ ଥିବା ଲୋକମାନେ ଗାଡ଼ି କାଚ ଖୋଲିବାକୁ ବହୁତ ଚେଷ୍ଟା କରିଥିଲେ କିନ୍ତୁ କେବଳ ଗୋଟିଏ କାଚ ଖୋଲି ପାରିଥିଲେ, ଯେଉଁ କାରଣରୁ କାରରେ ହିଁ ୭ ଜଣଙ୍କର ମୃତ୍ୟୁ ଘଟିଥିଲା। ଅନ୍ୟ ୨ ଜଣଙ୍କ ମୃତଦେହ ନଦୀରେ ବହୁ ଦୂରକୁ ଭାସି ଯାଇଥିଲା। ପୁଲିସର ଗୋତାଖୋର ଟିମ୍ ବର୍ତ୍ତମାନ ସୁଦ୍ଧା ୯ ଜଣଙ୍କ ମୃତଦେହ ଉଦ୍ଧାର କରିସାରିଛି ଏବଂ ଯାଞ୍ଚ ଜାରି ରଖିଛି।