ପୋଲିସ ଉପରେ ଆତଙ୍କୀଙ୍କ ଆକ୍ରମଣ

ଶ୍ରୀନଗର: ଶ୍ରୀନଗର ଜିଲ୍ଲାରେ ଆତଙ୍କବାଦୀଙ୍କ ଫାୟରିଂ ଯୋଗୁ ଜଣେ ପୁଲିସକର୍ମୀ ଆହତ ହୋଇଛନ୍ତି । ଆତଙ୍କବାଦୀଙ୍କ ଏହି ଆକ୍ରମଣ ଶ୍ରୀନଗର ଜିଲ୍ଲାର ଡା. ଅଲୀ ଜାନ ରୋଡର ଏବା ବ୍ରିଜ ପାଖରେ ହୋଇଛି । ଜଣେ ଶୀର୍ଷ ପୁଲିସ ଅଧିକାରୀ କହିଛନ୍ତି ଯେ ସିପାହୀ ହସନ ଏବେ ପିସିଆରରେ ନିଯୁକ୍ତ ଥିବାବେଳେ ଆକ୍ରମଣ ସମୟରେ ବାଇକ ଯୋଗେ ଡ୍ୟୁଟିକୁ ଯାଉଥିଲେ । ସେହି ସମୟରେ ଆତଙ୍କବାଦୀ ତାଙ୍କ ଉପରେ ଗୁଳି ବର୍ଷା କରିଥିଲେ । ଫଳରେ ଆହତ ହୋଇଥିଲେ । ତାଙ୍କୁ ଆହତ ଅବସ୍ଥାରେ ଦେଖି ଆତଙ୍କବାଦୀମାନେ ସେଠାରୁ ପଳାଇ ଯାଇଥିଲେ । ସ୍ଥାନୀୟ ଅଧିବାସୀଙ୍କ ସହାୟତାରେ ତାଙ୍କ ସ୍କିମ୍ସ ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନାଯୋଗ୍ୟ ଆତଙ୍କବାଦୀଙ୍କୁ ଧରିବା ପାଇଁ ସୁରକ୍ଷାବଳ ଉକ୍ତ ଅଞ୍ଚଳକୁ ଘେରାବନ୍ଦୀ କରିଦେଇଛି । ଉକ୍ତ ଅଞ୍ଚଳର ସିସିଟିଭି ଫୁଟେଜ ବି ପୁଲିସ ଯାଞ୍ଚ କରୁଛି ।