ତୱା : ଅରୁଣାଚଳ ପ୍ରଦେଶ ମୁଖ୍ୟମନ୍ତ୍ରୀ ପ୍ରେମା ଖାଣ୍ଡୁ ତୱାଙ୍ଗର ନଙ୍ଗଗପା ନଟମେ (ବୁଦ୍ଧ ପାର୍କ)ରେ ୧୦୪ ଫୁଟ ଲମ୍ବା ଜାତୀୟ ପତାକା ଉତ୍ତୋଳନ କରି ଏକ ନୂଆ ରେକର୍ଡ ସ୍ଥାପନ କରିଛନ୍ତି । ଏହି ତ୍ରିରଙ୍ଗା ୧୦ ହଜାର ଫୁଟ ଉଚ୍ଚରେ ଥିବା ତୱାଙ୍ଗ୍ ସହରରେ ଉତ୍ତୋଳନ କରାଯାଇଛି ଏବଂ ଉଚ୍ଚତା କ୍ଷେତ୍ରରେ ଏହା ଦେଶର ଦ୍ୱିତୀୟ ଉଚ୍ଚତମ ପତାକା।
ଆହୁରି ପଢ଼ନ୍ତୁ...
ଉଲ୍ଲେଖନୀୟ ବିଷୟ ହେଉଛି ତୱାଙ୍ଗ ସହରର ଯେକୌଣସି ସ୍ଥାନରୁ ଏହି ପତାକାକୁ ଦେଖିହେବ । ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଖାଣ୍ଡୁଙ୍କ ସହ ବହୁ ଲୋକ ଉପସ୍ଥିତ ଥିଲେ । ସୂଚନାଯୋଗ୍ୟ, ଦେଶର ସବୁଠୁ ବଡ଼ ଜାତୀୟ ପତାକା କେନ୍ଦ୍ରଶାସିତ ଅଞ୍ଚଳ ଲଦାଖରେ ରହିଛି । ଏହାର ଲମ୍ବା ୨୨୫ ଫୁଟ ଓ ଓସାର ୧୫୦ ଫୁଟ । ଏହି ଉପଲବ୍ଧି ପାଇଁ ପ୍ରେମା ଖାଣ୍ଡୁ, ସେନା, ସଶସ୍ତ୍ର ସୀମା ପୁଲି, ଆଇଟିବିପି, ତୱାଙ୍ଗ ଜିଲ୍ଲା ପ୍ରଶାସନ ଓ ସ୍ଥାନୀୟ ଲୋକଙ୍କ ବଧେଇ ଜଣାଇଛନ୍ତି ।