ଲକ୍ଷ୍ନୌ: ଆଜିଠୁ ଉତ୍ତରପ୍ରଦେଶରେ ଆରମ୍ଭ ହେବ ଯୋଗୀଙ୍କ ସେକେଣ୍ଡ ଇନିଂସ । ଏଥିନିମନ୍ତେ ରାଜଧାନୀ ଲକ୍ଷ୍ନୌରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ହେଲେ ଯୋଗୀଙ୍କ ଶପଥ ଗ୍ରହଣ ପୂର୍ବରୁ ଲକ୍ଷ୍ନୌରେ ହୋଇଛି ଫାୟାରିଂ। ପୁଲିସ୍ ଏନକାଉଣ୍ଟରରେ ଟଳିଛି ଜଣେ ଅପରାଧୀ। ଅପରାଧୀଜଣକ ହେଉଛି ରାହୁଲ ସିଂ ।
ଆହୁରି ପଢ଼ନ୍ତୁ...
ଆଲିଗଞ୍ଜ ଅଞ୍ଚଳର ଏକ ଜୁଏଲାରୀରୁ ଲୁଟପାଟ ଘଟଣାରେ ସାମିଲ ଥିବା ରାହୁଲ ଉକ୍ତ ଶୋ’ ରୁମ୍ର ଜଣେ କର୍ମଚାରୀକୁ ବି ହତ୍ୟା କରିଥିଲା । ଏହାପରେ ପ୍ରାୟ ବର୍ଷେ ହେବ ରାହୁଲ ଫେରାର ଥିବା ବେଳେ ତା’ ମୁଣ୍ଡରେ ଥିଲା ଲକ୍ଷେ ଟଙ୍କା ପୁରସ୍କାର। ଶୁକ୍ରବାର ଭୋରୁ ଭୋରୁ ରାହୁଲକୁ ପୁଲିସ୍ ହସନଗଞ୍ଜ ଅଞ୍ଚଳରେ ଘେରି ଯାଇଥିଲା। ଏହାପରେ ଉଭୟ ପକ୍ଷ ମଧ୍ୟରେ ଫାୟାରିଂ ହୋଇଥିଲା। ଏହି ଘଟଣାରେ ପୁଲିସ୍ଗୁଳିରେ ରାହୁଲ ଗୁରୁତର ହୋଇଥିବା ବେଳେ ହସ୍ପିଟାଲରେ ଡାକ୍ତର ତାକୁ ମୃତ ଘୋଷଣା କଲେ। ରାହୁଲ ପାଖରୁ ସୁନାଗହଣା, ଗୁଳି ଓ ପିସ୍ତଲ ଜବତ ହୋଇଛି।