ଆସନ୍ତାକାଲିଠୁ ଓଡ଼ିଆ ବିଶ୍ଵ ଭାଷା ସମ୍ମିଳନୀ ୩ଦିନ ଧରି ଭୁବନେଶ୍ବରରେ ଚାଲିବ । ସମ୍ମିଳନୀରେ ଦେଶ ବିଦେଶରୁ ୧୦୦ରୁ ଅଧିକ ଭାଷାବିତ ଯୋଗ ଦେବେ
-ପ୍ରଥମେ ଜଗନ୍ନାଥ ସଂସ୍କୃତି ଉପରେ ସ୍ବତନ୍ତ୍ର ଅଧିବେଶନ, ଓଡ଼ିଆ ଭାଷାରେ ଏକ ମ୍ୟୁଜିୟମ ତଥା ଭାଷା,ସାହିତ୍ୟ ବିଭାଗର ସଚିବଙ୍କ ସୂଚନା ।
ଫେବୃଆରୀ ୩ରୁ ତିନି ଦିନ ଧରି ଭୁବନେଶ୍ଵର ଜନତା ମଇଦାନରେ ପ୍ରଥମ ବିଶ୍ବ ଓଡ଼ିଆ ଭାଷା ସମ୍ମିଳନୀ ଅନୁଷ୍ଠିତ ହେବାକୁଯାଉଛି। ଏହି ସମ୍ମିଳନୀକୁ ସ୍ମରଣୀୟ କରିବା ପାଇଁ କଳାମଣ୍ଡଳ ପରିସରରେ ନିର୍ମିତ ‘ଅକ୍ଷରଭୂମି’କୁ ମୁଖ୍ୟମନ୍ତ୍ରୀ ଶ୍ରୀ@Naveen_Odisha ଲୋକାର୍ପଣ କରିଛନ୍ତି। ଖାଣ୍ଡେଲାଇଟ ପଥରରେ କଳିଙ୍ଗ ଶୈଳୀରେ ଓଡ଼ିଶାର କଳା ଓ ଭାସ୍କର୍ଯ୍ଯର ଅପୂର୍ବ ନିଦର୍ଶନ ସ୍ବରୂପ ‘ଅକ୍ଷରଭୂମି’ ନିର୍ମାଣ ହୋଇଛି।
ଓଡ଼ିଆ ବର୍ଣ୍ଣମାଳାରେ ସୁଶୋଭିତ ‘ଅକ୍ଷରଭୂମି’ ଆମ ଭାଷାପ୍ରୀତିକୁ ଉଜ୍ଜୀବିତ କରି ରଖିବା ସହ ଭାଷା, ସଂସ୍କୃତି, କଳା ଓ ସ୍ଥାପତ୍ୟର ଜୟ ଗାନ କରି ଚାଲିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଆମର ମହାନ୍ ଐତିହ୍ୟ ଓ ଶାସ୍ତ୍ରୀୟ ଓଡ଼ିଆ ଭାଷାର ଗୌରବ ବିଷୟରେ ‘ଅକ୍ଷରଭୂମି’ ଭବିଷ୍ୟତ ପୀଢିକୁ ପ୍ରେରଣା ଦେଇଚାଲିବ ବୋଲି ସେ ଆଶାପ୍ରକାଶ କରିଛନ୍ତି।