ଅଯୋଧ୍ୟା କଚେରୀକୁ ଉଡ଼ାଇ ଦେବାକୁ ଧମକ

ଅଯୋଧ୍ୟା : ଅଯୋଧ୍ୟାରେ ଏକ ବୋମା ସାହାଯ୍ୟରେ କୋର୍ଟକୁ ବିସ୍ଫୋରଣ କରିବାର ଧମକ ଦିଆଯାଇଛି । ରବିବାର ଦିନ ସ୍ପିଡ଼ ପୋଷ୍ଟରୁ ଜିଲ୍ଲା ଜଜଙ୍କ କୋର୍ଟକୁ ପଠାଯାଇଥିବା ଚିଠି ପରେ କୋର୍ଟ ଏବଂ ପ୍ରମୁଖ ମନ୍ଦିର ଗୁଡ଼ିକର ସୁରକ୍ଷା ବୃଦ୍ଧି କରାଯାଇଛି । ପୁରା ରାମନଗରୀକୁ ପୋଲିସ ଏକ କ୍ୟାଣ୍ଟନମେଣ୍ଟରେ ପରିଣତ କରିଛି । ଧମକପୂର୍ଣ୍ଣ ଚିଠି ପାଇବା ମାମଲାରେ ଆଉଟପୋଷ୍ଟ ଇନଚାର୍ଜ ସିଭିଲ କୋର୍ଟ ବିନୟ କୁମାର କୋତୱାଲି ନଗରରେ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ଦାୟର କରିଛନ୍ତି ।