ବିଭିନ୍ନ ଖାଦ୍ୟର ସ୍ୱାଦ ବଢାଇବା ସହ କିଛି ଏପରି ସ୍ୱତନ୍ତ୍ର ଖାଦ୍ୟ ରହିଛି ଯେଉଁଥିରେ ଭୁସଙ୍ଗପତ୍ର ବ୍ୟବହାର ନିତାନ୍ତ ଜରୁରୀ। ମାତ୍ର ସ୍ୱାସ୍ଥ୍ୟ ପାଇଁ ମଧ୍ୟ ଏହାକୁ ଖୁବ ଉପକାରୀ। ଭୁସଙ୍ଗପତ୍ରରେ ଫାଇବର ପ୍ରଚୁର ପରିମାଣରେ ରହିଛି। ଏହା ରକ୍ତରେ ଶର୍କରାର ମାତ୍ରାକୁ ନିୟନ୍ତ୍ରଣ କରି ରଖିଥାଏ।
ଭୁସଙ୍ଗ ପତ୍ରରେ ଅନେକ ଉପକାରୀ ଗୁଣ ରହିଛି,ଯାହା କେଶ ସହ ଜଡିତ ଅନେକ ସମସ୍ୟାକୁ ଦୂର କରିଥାଏ। କେଶ ଝଡିବା, ରୂପି, ଶୁଷ୍କ ,କେଶ ଧଳା ହେବା ଭଳି ସମସ୍ୟାକୁ ଦୂର କରିଥାଏ। ନିୟମିତ ଭୁସଙ୍ଗ ପତ୍ର ଖାଇବା ଦ୍ୱାରା ପେଟ ଜନିତ ସମସ୍ତ ସମସ୍ୟା ଦୂର ହୋଇଥାଏ। ଗର୍ଭବତୀ ମହିଳା ମାନେ ମଧ୍ୟ ଏହାର ସେବନ କରିପାରିବେ। ଭୁସଙ୍ଗପତ୍ରର ବାସ୍ନା ଦୁଶ୍ଚିନ୍ତା ଦୂର କରିଥାଏ। ମନ ଓ ମସ୍ତିଷ୍କକୁ ଶାନ୍ତ ରଖିଥାଏ। ଏଥିରେ ଭିଟାମିନ ଏ ସହ ଅନ୍ୟ ପୋଷକ ତତ୍ତ୍ୱ ରହିଛି ଯାହା ଦୃଷ୍ଟି ଶକ୍ତି ବୃଦ୍ଧି କରିଥାଏ।
ଭୁସଙ୍ଗପତ୍ର ସେବନ ଦ୍ୱାରା ବଦହଜମି ସମସ୍ୟା ଦୂର ହେବା ସହ ଖାଦ୍ୟ ଭଲ ଭାବେ ହଜମ ହେବାରେ ସହାୟକ ହୋଇଥାଏ। ବହୁ ଲୋକଙ୍କୁ ଅଧିକ ସମୟ ନିଦ ଓ ଅଳସୁଆ ଲାଗିଥାଏ। ସେମାନେ ପ୍ରତିଦିନ ୬ରୁ ୭ଟି ଭୁସଙ୍ଗ ପତ୍ର ନିୟମିତ ଏକ ମାସ ଖାଇବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିଥାଏ।