ଭିଡିଓ କନଫରେନ୍ସିଂ ମାଧ୍ୟମରେ ସିକନ୍ଦରାବାଦ-ବିଶାଖାପାଟଣା ସହିତ ସଂଯୋଗ କରୁଥିବା ବଂଦେ ଭାରତ ଏକ୍ସପ୍ରେସ ଟ୍ରେନକୁ ସବୁଜ ପତାକା ଦେଖାଇ ଶୁଭାରମ୍ଭ କରିବା ଅବସରରେ ପ୍ରଧାନମନ୍ତ୍ରୀଙ୍କ ଅଭିଭାଷଣର ମୂଳପାଠ
ତେଲେଙ୍ଗାନାର ରାଜ୍ୟପାଳ ଡକ୍ଟର ତମିଲିସେ ସୌନ୍ଦର୍ଯ୍ୟରାଜନ….
ନମସ୍କାର ।
ଉତ୍ସବର ଏହି ପରିବେଶରେ ଆଜି ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶକୁ ଏକ ଭବ୍ୟ ଉପହାର ମିଳୁଛି । ବଂଦେ ଭାରତ ଏକ୍ସପ୍ରେସ, ଗୋଟିଏ ଭାବରେ ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶର ସହଭାଗୀ ସଂସ୍କୃତି ଏବଂ ଅଂଶୀଦାର ଐତିହ୍ୟକୁ ଯୋଡ଼ିବ । ମୁଁ ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶର ଲୋକମାନଙ୍କୁ ବିଶେଷ କରି ଏହି ରାଜ୍ୟର ମଧ୍ୟମ ବର୍ଗଙ୍କୁ, ନିମ୍ନ ମଧ୍ୟମ ବର୍ଗଙ୍କୁ, ଉଚ୍ଚ ମଧ୍ୟମ ବର୍ଗଙ୍କୁ ବଂଦେ ଭାରତ ଟ୍ରେନ୍ର ବହୁତ-ବହୁତ ଶୁଭେଚ୍ଛା ଜଣାଉଛି ।
ସାଥିମାନେ,
ଆଜି ସେନା ଦିବସ ମଧ୍ୟ ଅଟେ । ପ୍ରତ୍ୟେକ ଭାରତୀୟଙ୍କର ନିଜସ୍ୱ ସେନା ପର୍ବ ଉପରେ ଗର୍ବ ରହିଛି । ଦେଶର ରକ୍ଷାରେ, ଦେଶର ସୀମାର ରକ୍ଷାରେ ଭାରତୀୟ ସେନାର ଯୋଗଦାନ, ଭାରତୀୟ ସେନାର ସୌର୍ଯ୍ୟ ଅତୁଳନୀୟ ଅଟେ । ମୁଁ ସମସ୍ତ ସୈନିକମାନଙ୍କୁ, ପୂର୍ବ ସୈନିକମାନଙ୍କୁ, ତାଙ୍କର ପରିବାରଙ୍କୁ ବହୁତ-ବହୁତ ଶୁଭେଚ୍ଛା ଜଣାଉଛି ।
ସାଥିମାନେ,
ଏହି ସମୟରେ ପୋଙ୍ଗଲ, ମାଘବିହୁ, ମକର ସଂକ୍ରାନ୍ତି, ଉତ୍ତରାୟଣ ପର୍ବର ମଧ୍ୟ ହର୍ସୋଲ୍ଲାସ ଚତୁଃପାଶ୍ୱର୍ରେ ଦେଖିବାକୁ ମିଳୁଛି । ଯେମିତି ଦେଶର ପ୍ରମୁଖ ଦିବସ, ପ୍ରମୁଖ ପର୍ବ ଅସେତୁ ହିମାଚଳ, କାଶ୍ମୀରଠାରୁ କନ୍ୟାକୁମାରୀ, ଅଟକରୁ କଟକ ଦେଶକୁ ଯୋଡ଼ିଥାନ୍ତି, ଆମକୁ ଯୋଡ଼ିଥାନ୍ତି । ଏକ ଭାରତ – ଶ୍ରେଷ୍ଠ ଭାରତର ସୁନ୍ଦର ଚିତ୍ର ମୋ ହୃଦୟରେ ପ୍ରସ୍ତୁତ କରୁଛି, ସେହିଭଳି ଏହି ବଂଦେ ଭାରତ ଟ୍ରେନ ମଧ୍ୟ ନିଜର ଗତି ଦ୍ୱାରା, ନିଜର ଯାତ୍ରା ସହିତ ଯୋଡ଼ିବାର, ବୁଝିବାର ଏବଂ ଜାଣିବାର ସୁଯୋଗ ଦେଇଥାଏ । ବଂଦେ ଭାରତ ଏକ୍ସପ୍ରେସ୍ ଟ୍ରେନ ମଧ୍ୟ ଏକ ରାଷ୍ଟ୍ର ଭାବରେ ଆମର ସହଭାଗୀ, ସଂସ୍କୃତ, ଆମର ବିଶ୍ୱାସକୁ ଯୋଡ଼ିଥାଏ । ଏହି ଯେଉଁ ନୂଆ ଟ୍ରେନ୍ ଆରମ୍ଭ ହୋଇଛି, ଏହି ହାଇଦ୍ରାବାଦ, ବାରଂଗଲ, ବିଜୟୱାଡ଼ା ଏବଂ ବିଶାଖାପଟ୍ଟନମ ଭଳି ସହରକୁ ଯୋଡ଼ିବ । ବିଶ୍ୱାସ ଏବଂ ପର୍ଯ୍ୟଟନ ସହିତ ଜଡ଼ିତ ଅନେକ ମହତ୍ୱପୂର୍ଣ୍ଣ ସ୍ଥାନ ଏହି ମାର୍ଗରେ ପଡ଼ିଥାଏ । ଏଥିପାଇଁ ବଂଦେ ଭାରତ ଏକ୍ସପ୍ରେସ ଦ୍ୱାରା ଶ୍ରଦ୍ଧାଳୁମାନଙ୍କୁ ଏବଂ ପର୍ଯ୍ୟଟକମାନଙ୍କୁ ମଧ୍ୟ ବହୁତ ଲାଭ ହେବ । ଏହି ଟ୍ରେନ ଦ୍ୱାରା ସିକନ୍ଦରାବାଦ ଏବଂ ବିଶାଖାପଟ୍ଟନମ ମଧ୍ୟରେ ଲାଗୁଥିବା ସମୟ ମଧ୍ୟ ବର୍ତ୍ତମାନ କମ ହୋଇଯିବ ।
ଭାଇ ଓ ଭଉଣୀମାନେ,
ବଂଦେ ଭାରତ ଟ୍ରେନ ଏହାର ଆଉ ଏକ ବିଶେଷତା ମଧ୍ୟ ରହିଛି । ଏହି ଟ୍ରେନ, ନୂତନ ଭାରତର ସଂକଳ୍ପ ଏବଂ ସାମର୍ଥ୍ୟର ପ୍ରତୀକ ଅଟେ । ଏହା ସେହି ଭାରତର ପ୍ରତୀକ ଅଟେ, ଯାହା ଦ୍ରୁତ ପରିବର୍ତ୍ତନର ରାସ୍ତାରେ ଚାଲିପଡ଼ିଛି । ଏମିତି ଭାରତ, ଯାହା ନିଜର ସ୍ୱପ୍ନ, ନିଜର ଆକାଂକ୍ଷାକୁ ନେଇ ଅଧିର ଅଟେ, ପ୍ରତ୍ୟେକ ଭାରତୀୟ ଅଧିର ଅଟନ୍ତି । ଏମିତି ଭାରତ, ଯାହା ଦ୍ରୁତ ଗତିରେ ଯାଇ ନିଜ ଲକ୍ଷ୍ୟ ପର୍ଯ୍ୟନ୍ତ ପହଞ୍ଚାଇବାକୁ ଚାହୁଁଛନ୍ତି । ଏହା ବଂଦେ ଭାରତ ଏକ୍ସପ୍ରେସ, ତାହା ଭାରତର ପ୍ରତୀକ ଅଟେ, ଯାହା ସବୁକିଛି ଶ୍ରେଷ୍ଠ ଚାହିଁଥାଏ, ଉତ୍ତମ ଚାହିଁଥାଏ । ଏହି ବଂଦେ ଭାରତ ଏକ୍ସପ୍ରେସ, ସେହି ଭାରତର ପ୍ରତୀକ, ଯାହା ସବୁକିଛି ଭଲ ଚାହୁଁଛି, ସର୍ବୋତ୍ତମ ଚାହୁଁଛି । ଏହି ବନେ୍ଦ ଭାରତ ଏକ୍ସପ୍ରେସ ହେଉଛି ଭାରତର ପ୍ରତୀକ ଯାହା ଏହାର ପ୍ରତ୍ୟେକ ନାଗରିକଙ୍କୁ ଉନ୍ନତ ସୁବିଧା ଯୋଗାଇବାକୁ ଚାହୁଁଛି । ଏହି ବଂଦେ ଭାରତ ଏକ୍ସପ୍ରେସ ହେଉଛି ଭାରତର ପ୍ରତୀକ, ଯାହା ଦାସତ୍ୱର ମାନସିକତାରୁ ବାହାରି ଆତ୍ମନିର୍ଭରଶୀଳତା ଆଡ଼କୁ ଗତି କରୁଛି ।
ସାଥିମାନେ,
ଆଜି ଦେଶରେ ବଂଦେ ଭାରତକୁ ନେଇ ଯେଉଁଭଳି ଭାବରେ ଦ୍ରୁତଗତିରେ କାର୍ଯ୍ୟ ହେଉଛି, ତାହା ମଧ୍ୟ ହେବାର କଥା । ଏହା ସିକନ୍ଦରାବାଦ-ବିଶାଖାପଟ୍ଟନମ ବଂଦେ ଭାରତ ୨୦୨୩ ବର୍ଷର ଏହା ହେଉଛି ପ୍ରଥମ ଟ୍ରେନ୍ । ଏବଂ ଆପଣ ଖୁସି ହେବେ ଯେ ଏହି ଦ୍ୱିତୀୟ ବଂଦେ ଭାରତ ଟ୍ରେନ ଆମ ଦେଶରେ ୧୫ ଦିନ ମଧ୍ୟରେ ଚାଲୁଛି । ଏହା ଦର୍ଶାଉଛି ଯେ ଭାରତରେ ବଂଦେ ଭାରତ ଅଭିଯାନ ଟ୍ରାକ୍ରେ ଦ୍ରୁତବେଗରେ ଚାଲୁଥିବା ଭୂମିରେ ପରବର୍ତ୍ତନକୁ କେତେ ଶୀଘ୍ର ହୃଦୟଙ୍ଗମ କରୁଛନ୍ତି । ଭାରତରେ ଡିଜାଇନ ହୋଇଥିବା ଏବଂ ଭାରତରେ ନିର୍ମିତ ବଂଦେ ଭାରତ ଟ୍ରେନ ହେଉଛି ଦେଶର ଟ୍ରେନ । ଏହାର ଗତିର ଅସଂଖ୍ୟ ଭିଡିଓଗୁଡ଼ିକ ଲୋକଙ୍କ ହୃଦୟ ଏବଂ ମନରେ ତଥା ସୋସିଆଲ ମିଡିଆରେ ସମ୍ପୂର୍ଣ୍ଣ ଭାବରେ ଜଡ଼ିତ । ମୁଁ ଆଉ ଏକ ଚିତ୍ର ଦେବି ଯାହା ନିଶ୍ଚିତ ଭାବରେ ଆପଣମାନଙ୍କ ଦ୍ୱାରା ପସନ୍ଦ ହେବ, ଏହା ଆକର୍ଷଣୀୟ ହେବ । ଗତ କିଛିବର୍ଷ ମଧ୍ୟରେ ୭ଟି ବଂଦେ ଭାରତ ଟ୍ରେନ ସମୁଦାୟ ୨୩ ଲକ୍ଷ କିଲୋମିଟର ଦୂରତା ଅତିକ୍ରମ କରିଛି । ଏହା ପୃଥିବୀରେ ୫୮ ଥର ବୁଲିବା ସହିତ ସମାନ । ଏପର୍ଯ୍ୟନ୍ତ ୪୦ ଲକ୍ଷରୁ ଅଧିକ ଯାତ୍ରୀ ଏହି ଟ୍ରେନଗୁଡ଼ିକ ଦ୍ୱାରା ଯାତ୍ରା ଆରମ୍ଭ କରିଛନ୍ତି । ଏହି ଟ୍ରେନରେ ଯାତ୍ରା କରୁଥିବା ଲୋକମାନଙ୍କ ଦ୍ୱାରା ସଞ୍ଚୟ ହୋଇଥିବା ସମୟ ତାହା ମଧ୍ୟ ଅମୂଲ୍ୟ ଅଟେ ।
ଭାଇ ଓ ଭଉଣୀମାନେ,
କନେକ୍ଟିଭିଟି ବେଗ ସହିତ ସିଧାସଳଖ ସମ୍ପର୍କ ଅଛି, ଏବଂ ଉଭୟଙ୍କର ବେଗ ସହିତ ସିଧାସଳଖ ସମ୍ପର୍କ ଅଛି । କନେକ୍ଟିଭିଟି ଭିତ୍ତିଭୂମି କେବଳ ଦୁଇଟି ସ୍ଥାନକୁ ସଂଯୋଗ କରେ ନାହିଁ, ବରଂ ଏହା ସ୍ୱପ୍ନକୁ ବାସ୍ତବତା ସହିତ ମଧ୍ୟ ସଂଯୋଗ କରିଥାଏ । ଏହା ଉତ୍ପାଦନକୁ ବଜାର ସହିତ ସଂଯୋଗ କରେ, ପ୍ରତିଭାକୁ ସଠିକ୍ ପ୍ଲାଟ୍ଫର୍ମ ସହିତ ସଂଯୋଗ କରେ । ସଂଯୋଗୀକରଣ ଏହାସହିତ ବିକାଶର ସମ୍ଭାବନାକୁ ବିସ୍ତାର କରେ । ତାହା ହେଉଛି, ଗତି ଅଛି, ଯେଉଁଠାରେ ଗତି ଅଛି, ସେଠାରେ ପ୍ରଗତି ଅଛି ଏବଂ ଯେତେବେଳେ ପ୍ରଗତି ଅଛି, ସେତେବେଳେ ସମୃଦ୍ଧି ନିଶ୍ଚିତ ଅଛି । ଆମେ ସେହି ସମୟ ମଧ୍ୟ ଦେଖିଛୁ, ଯେତେବେଳେ ବହୁତ କମ ଲୋକ ଏଠାରେ ବିକାଶ ଏବଂ ଆଧୁନିକ ସଂଯୋଗର ଲାଭ ପାଇବାକୁ ବ୍ୟବହାର କରୁଥିଲେ । ଏହି କାରଣରୁ, ଦେଶର ବହୁ ଲୋକମାନଙ୍କର କେବଳ ଯାତାୟାତରେ ସମୟ ବିତୁଥିଲା ଏବଂ ପରିବହନରେ ଖର୍ଚ୍ଚ ହେଉଥିଲା । ଏହି କାରଣରୁ ଦେଶର ସାଧାରଣ ନାଗରିକ, ଦେଶର ମଧ୍ୟବିତ୍ତ ଲୋକମାନେ ବହୁ ଅସୁବିଧାର ସମ୍ମୁଖିନ ହେଉଥିଲେ । ଆଜି ଭାରତ ସେହି ପୁରୁଣା ଚିନ୍ତାଧାରାକୁ ପଛରେ ପକାଇ ଆଗକୁ ବଢ଼ୁଛି । ଆଜିର ଭାରତରେ ସମସ୍ତଙ୍କୁ ଗତି ଏବଂ ପ୍ରଗତି ସହିତ ଯୋଡ଼ିବା ପାଇଁ କାର୍ଯ୍ୟ ଦ୍ରୁତଗତିରେ ଚାଲିଛି । ବଂଦେ ଭାରତ ଏକ୍ସପ୍ରେସ ଟ୍ରେନ୍ ଏହାର ଏକ ବଡ଼ ପ୍ରମାଣ, ପ୍ରତୀକ ଅଟେ ।
ସାଥିମାନେ,
ଯେତେବେଳେ ଇଚ୍ଛାଶକ୍ତି ହୋଇଥାଏ, ସେତେବେଳେ ସବୁଠାରୁ ବଡ଼ କଷ୍ଟସାଧ୍ୟ ଲକ୍ଷ୍ୟ ମଧ୍ୟ ହାସଲ କରାଯାଇପାରେ । ଆମେ ଦେଖିଛୁ ଯେ କିପରି ୮ ବର୍ଷ ପୂର୍ବେ, କେବଳ ରେଳବାଇ ବିଷୟରେ କେବଳ ନିରାଶା ଦେଖିବାକୁ ମିଳୁଥିଲା । ସୁସ୍ଥ ଗତି, ଅଳିଆ ଗଦା, ଟିକେଟ ବୁକିଂ ସମ୍ବନ୍ଧୀୟ ଅଭିଯୋଗ, ଦୈନନ୍ଦିନ ଘଟୁଥିବା ଦୁର୍ଘଟଣା, ଏହାକୁ ଦେଖି ଦେଶର ଲୋକମାନେ ଗ୍ରହଣ କରିଛନ୍ତି ଯେ ଭାରତୀୟ ରେଳବାଇରେ ଉନ୍ନତି ସମ୍ଭବ ନୁହେଁ । ଯେତେବେଳେ ରେଳବାଇରେ ନୂତନ ଭିତ୍ତିଭୂମି ବିଷୟରେ କଥାବାର୍ତ୍ତା ହେଉଥିଲା, ବଜେଟ ଅଭାବରେ ବାହାନା କରାଯାଉଥିଲା, କ୍ଷତି ବିଷୟରେ ଆଲୋଚନା ହେଉଥିଲା ।
କିନ୍ତୁ ସାଥିମାନେ,
ସ୍ୱଚ୍ଛ ଉଦେ୍ଦଶ୍ୟ ସହିତ, ସଚ୍ଚୋଟ ଉଦେ୍ଦଶ୍ୟ ସହିତ, ଆମେ ମଧ୍ୟ ଏହି ଆହ୍ୱାନର ସମାଧାନ କରିବାକୁ ସ୍ଥିର କଲୁ । ଗତ ୮ ବର୍ଷ ମଧ୍ୟରେ ଭାରତୀୟ ରେଳବାଇର ପରିବର୍ତ୍ତନ ପଛରେ ମଧ୍ୟ ଏହା ହେଉଛି ମନ୍ତ୍ର । ଆଜି ଭାରତୀୟ ରେଳ ଯାତ୍ରା ଏକ ସୁଖଦ ଅନୁଭୂତି ପାଲଟିଛି । ଦେଶରେ ଅନେକ ରେଳଷ୍ଟେସନ ଅଛି ଯେଉଁଠାରେ ଆଧୁନିକ ଭାରତର ଚିତ୍ର ଦେଖିପାରିବେ । ଗତ ୭-୮ ବର୍ଷ ମଧ୍ୟରେ ଆମ ସରକାର ଆରମ୍ଭ କରିଥିବା କାର୍ଯ୍ୟ ଆସନ୍ତା ୭-୮ ବର୍ଷ ମଧ୍ୟରେ ଭାରତୀୟ ରେଳବାଇକୁ ନବୀକରଣ କରିବାକୁ ଯାଉଛନ୍ତି । ପର୍ଯ୍ୟଟନକୁ ପ୍ରୋତ୍ସାହିତ କରିବା ପାଇଁ ଆଜି ଭିଷ୍ଟାଡୋମ କୋଚ, ଐତିହ୍ୟ ଟ୍ରେନ ଅଛି । ଚାଷୀମାନଙ୍କ ଉତ୍ପାଦନକୁ ଦୂର-ସୁଦୂର ବଜାର କର୍ଯ୍ୟନ୍ତ ପହଞ୍ଚାଇବାକୁ କିସାନ ରେଳ ଆରମ୍ଭ ହୋଇଥିଲା । ସାମଗ୍ରୀ ଟ୍ରେନ ପାଇଁ ସ୍ୱତନ୍ତ୍ର ମାଲ ପରିବହନ କରିଡର୍ରେ କାମ ଦ୍ରୁତଗତିରେ ଚାଲିଛି । ଦେଶର ସହରଗୁଡ଼ିକରେ ଜନସାଧାରଣ ପରିବହନରେ ଉନ୍ନତି ଆଣିବା ପାଇଁ ୨ ଡ୍ରଜନରୁ ଅଧିକ ନୂତନ ସହରରେ ମେଟ୍ରୋ ନେଟୱାର୍କ ବିସ୍ତାର କରୁଛି । ଆଞ୍ଚଳିକ ରାପିଡ ଟ୍ରାଞ୍ଜିଟ ସିଷ୍ଟମ ପରି ଭବିଷ୍ୟତୀୟ ପ୍ରଣାଳୀରେ ମଧ୍ୟ ଦେଶରେ ଦ୍ରୁତଗତିରେ କାର୍ଯ୍ୟ ଚାଲିଛି ।
ଭାଇ ଓ ଭଉଣୀମାନେ,
ତେଲେଙ୍ଗାନାରେ ଗତ ୮ ବର୍ଷ ମଧ୍ୟରେ ରେଳବାଇ ସମ୍ବନ୍ଧରେ ଅଦୃଶ୍ୟ କାର୍ଯ୍ୟ କରାଯାଇଛି । ୨୦୧୪ ପୂର୍ବରୁ ୮ ବର୍ଷ ମଧ୍ୟରେ, ତେଲେଙ୍ଗାନାର ରେଳବାଇ ପାଇଁ ୨୫୦ କୋଟିରୁ କମ ବଜେଟ ଥିଲା । ଯେଉଁଠାରେ ଆଜି ଏହି ବଜେଟ ୩୦୦୦ କୋଟି ଟଙ୍କାକୁ ବୃଦ୍ଧି ପାଇଛି । ମେଡକ ଭଳି ତେଲେଙ୍ଗାନାର ଅନେକ ଅଞ୍ଚଳ ପ୍ରଥମ ଥର ପାଇଁ ରେଳ ସେବା ଦ୍ୱାରା ସଂଯୁକ୍ତ ହୋଇଛି । ୨୦୧୪ ପୂର୍ବରୁ ୮ ବର୍ଷ ମଧ୍ୟରେ ତେଲେଙ୍ଗାନାରେ ୧୫୦ କିଲୋମିଟରରୁ କମ ନୂତନ ରେଳଲାଇନ ନିର୍ମାଣ କରାଯାଇଥିଲା । ଗତ ୮ ବର୍ଷ ମଧ୍ୟରେ, ଆମେ ତେଲେଙ୍ଗାନାରେ ପ୍ରାୟ ୧୫୦ କିଲୋମିଟର ନୂତନ ରେଳଲାଇନ କାର୍ଯ୍ୟ ଶେଷ କରିଛୁ । ଗତ ୮ ବର୍ଷ ମଧ୍ୟରେ ତେଲେଙ୍ଗାନାରେ ୨୫୦ କିଲୋମିଟରରୁ ଅଧିକ ‘ଟ୍ରାକ ମଲ୍ଟି ଟ୍ରାକିଂ’ କାର୍ଯ୍ୟ ମଧ୍ୟ କରାଯାଇଛି । ଏହି ସମୟ ମଧ୍ୟରେ ତେଲେଙ୍ଗାନାରେ ରେଳଟ୍ରାକର ବିଦୁ୍ୟତିକରଣ ୩ ଗୁଣରୁ ଅଧିକ ମଧ୍ୟ ହୋଇଛି । ଖୁବ୍ଶୀଘ୍ର ଆମେ ତେଲେଙ୍ଗାନାର ସମସ୍ତ ବ୍ରଡ୍ ଗେଜ ରୁଟ୍ସରେ ବିଦୁ୍ୟତିକରଣ କାର୍ଯ୍ୟ ସମ୍ପୂର୍ଣ୍ଣ କରିବାକୁ ଯାଉଛୁ ।
ସାଥିମାନେ
ଆଜି ଯେଉଁ ବଂଦେ ଭାରତ ଚାଲୁଛି, ଗୋଟିଏ ଭାବରେ ଆନ୍ଧ୍ରପ୍ରଦେଶ ସହିତ ସଂଯୁକ୍ତ । ଆନ୍ଧ୍ରପ୍ରଦେଶରେ ରେଳ ନେଟୱାର୍କକୁ ମଜଭୁତ କରିବା ପାଇଁ କେନ୍ଦ୍ର ସରକାର ନିରନ୍ତର କାର୍ଯ୍ୟ କରୁଛନ୍ତି । ୨୦୧୪ ପୂର୍ବ ଅପେକ୍ଷା ଆନ୍ଧ୍ରପ୍ରଦେଶରେ ନୂତନ ରେଳଲାଇନ ଲଗାଯାଉଛି । ବିଗତ ବର୍ଷ ଗୁଡ଼ିକରେ ଆନ୍ଧ୍ରପ୍ରଦେଶରେ ୩୫୦ କିଲୋମିଟର ନୂତନ ରେଳଲାଇନ ଏବଂ ପ୍ରାୟ ୮୦୦ କିଲୋମିଟର ମଲ୍ଟି ଟ୍ରାକିଂ ନିର୍ମାଣ କାର୍ଯ୍ୟ ଶେଷ ହୋଇଛି । ପୂର୍ବ ସରକାରଙ୍କ ସମୟରେ ଆନ୍ଧ୍ରପ୍ରଦେଶରେ ବାର୍ଷିକ ୬୦ କିଲୋମିଟର ରେଳଟ୍ରାକ୍ କରାଯାଉଥିଲା । ବର୍ତ୍ତମାନ ଏହି ଗତି ବାର୍ଷିକ ୨୨୦ କିଲୋମିଟରରୁ ଅଧିକ ବୃଦ୍ଧି ପାଇଛି । ଲୋକଙ୍କ ପାଇଁ କେନ୍ଦ୍ର ସରକାରଙ୍କର ଏହି ପ୍ରୟାସ, ଜୀବନର ସହଜତା ମଧ୍ୟ ଧୀରେ ଧୀରେ ବୃଦ୍ଧି ପାଉଛି ଏବଂ ବ୍ୟବସାୟରେ ସହଜତା ମଧ୍ୟ ବୃଦ୍ଧି ପାଉଛି । ଗତି ଏବଂ ପ୍ରଗତିର ଏହି ପ୍ରକ୍ରିୟା ଏହିପରି ଭାବେ ଜାରି ରହିବ । ଏହି ବିଶ୍ୱାସ ସହିତ ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶକୁ ବଂଦେ ଭାରତ ଏକ୍ସପ୍ରେସ ଟ୍ରେନକୁ ଅଭିନନ୍ଦନ ଜଣାଉଛି, ଯାତ୍ରୀମାନଙ୍କୁ ଶୁଭେଚ୍ଛା ଜଣାଉଛି । ବହୁତ-ବହୁତ ଧନ୍ୟବାଦ!