ଭୁବନେଶ୍ୱର,(ସାକ୍ସୀ ନ୍ୟୁଜ୍):ତାଙ୍କର ଅସୁସ୍ଥତା ସମ୍ପର୍କରେ ଗୁଜବ ସୃଷ୍ଟି କରୁଥିବା ଲୋକଙ୍କୁ ମୁଖ୍ୟମନ୍ତ୍ରୀଙ୍କ ଦୃଢ଼ ଜବାବ୍। ନବୀନ କହିଛନ୍ତି ଯେ ଯେବେ ବି ନିର୍ବାଚନ ଆସେ ତାଙ୍କ ସ୍ବାସ୍ଥ୍ୟକୁ ନେଇ ଗୁଜବ ସୃଷ୍ଟି ହୁଏ। ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ବୋଲି ଲିଙ୍ଗରାଜ ମନ୍ଦିର ଦର୍ଶନ ପରେ ମୁଖ୍ୟମନ୍ତ୍ରୀ କହିଛନ୍ତି।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମହାପ୍ରଭୁ ଲିଙ୍ଗରାଜଙ୍କ ଦର୍ଶନ କରିଛନ୍ତି । ଏଥିସହ ସେ ମନ୍ଦିର ବେଢ଼ା ବି ପରିଦର୍ଶନ କରିଛନ୍ତି । ତାଙ୍କ ସହ ଥିଲେ ୫-ଟି ସଚିବ ଭିକେ ପାଣ୍ଡିଆନ୍ । ମୁଖ୍ୟମନ୍ତ୍ରୀ ଏକ୍ରାମ ଯୋଜନା କାର୍ଯ୍ୟକ୍ରମ ଅଧୀନରେ ଲିଙ୍ଗରାଜ ମନ୍ଦିର ଓ ଆଖପାଖ ଅଞ୍ଚଳର ଅଗ୍ରଗତି ସମ୍ପର୍କରେ ସମୀକ୍ଷା କରିଛନ୍ତି।
ଗୁଜବ ପ୍ରଚାର ପଛରେ ବିରୋଧୀଙ୍କ ହାତ ଅଛି କି ପ୍ରଶ୍ନର ଉତ୍ତରରେ ନବୀନ କହିଛନ୍ତି ଯେ, ‘ଆଦର୍ଶ ଆଚରଣ ବିଧି ଲାଗୁ ହୋଇ ଥିବାରୁ ସେ ଅଧିକ କିଛି କହିବେ ନାହିଁ ।
ଯେବେ ଗୁଜବ ହୋଇଛି, ବିଜେଡି ନିର୍ବାଚନରେ ଭଲ କରିଛି ବୋଲି ନବୀନ କହିଛନ୍ତି । କୋଭିଡ ମହାମାରୀ ଏବେ ବି ଅଛି, ସମସ୍ତେ ସତର୍କ ରହନ୍ତୁ, ମାସ୍କ ପିନ୍ଧନ୍ତୁ ବୋଲି ନବୀନ କହିଛନ୍ତି