ନବୀନଙ୍କ ଉଦାରତା: ଦାମୋଦରଙ୍କୁ ବୁଦ୍ଧି ଶିଖାଇ ଦଳକୁ ଆଣିଲେ
ଭୁବନେଶ୍ୱର: ଆଉ କେବେ କୋଉଠି କାହା ଆଗରେ ନବୀନଙ୍କ ବିରୋଧରେ ପଦୁଟେ କହିବେ ନାହିଁ ବୋଲି ହଲପ କରିବା ପରେ ଦାମୋଦରଙ୍କୁ ଦଳରେ ସାମିଲ କରିଛନ୍ତି ନବୀନ । ବେଶ କିଛି ବର୍ଷ ଧରି ଗୋଠଖଣ୍ଡିଆ ଜୀବନ ଯାପନ କରିବା ଭିତରେ ଦାମୋଦର ରାଉତଙ୍କ ବୁଦ୍ଧି ଭଲ ବାଟକୁ ଆସିଛି । ବିଜେଡି ବିନା ଅନ୍ୟ କୋଉ ଦଳରେ ଦାମୋଦର ଚଳି ପାରିବେନି । ନବୀନଙ୍କ ମୁଣ୍ଡ ଉପରେ ବସି ଦାମୋଦର ନିଜକୁ ମୁଖ୍ୟମନ୍ତ୍ରୀଙ୍କ ମୁଖ୍ୟମନ୍ତ୍ରୀ ଭଳି ଭାବୁଥିଲେ । ଦଳରୁ ତଡ଼ା ଖାଇବା ପରେ ଅନ୍ୟ ଦଳରେ ଯୋଗଦାନ କରି ନବୀନଙ୍କୁ ପାରିବା ପଣିଆ ଦେଖାଇବା ପାଇଁ ଦାମୋଦରଙ୍କୁ ବେଶ କସରତ କରିବାକୁ ପଡ଼ିଛି ।
ମାତ୍ର ରୋଗୀଣା ଶରୀରକୁ ଧରି ଆଉ ଲଢ଼ିବା ଅସମ୍ଭବ ବୋଲି ଦାମୋଦର ବୁଝି ପାରିଛନ୍ତି । ବିଜେଡିର ଜଣେ ପେନସନଭୋଗୀ ନେତା ଭାବେ ଦାମଙ୍କୁ ଗ୍ରହଣ କରାଯାଇଛି ।
ଅତୀତରେ ନବୀନଙ୍କ କ୍ୟାବିନେଟରେ ରହି ନବୀନଙ୍କ ଶାସନକୁ ସମାଲୋଚନା କରୁଥିଲେ ଦାମୋଦର । ଦଳରୁ ତଡ଼ା ଖାଇବା ପରେ ବିଭିନ୍ନ ସଭାରେ ଯୋଗଦାନ କରି ନବୀନଙ୍କୁ ବହେ ଗାଳିମନ୍ଦ କରିଛନ୍ତି ଦାମୋଦର । ପରିଣତ ବୟସରେ ନବୀନଙ୍କ ହାତଟେକାକୁ ଆଦରି ବଂଚିବାକୁ ବାଧ୍ୟ ହୋଇଛନ୍ତି ଦାମୋଦର । ସତରେ ଦାମଙ୍କ ଉଦର ବଡ଼ ଉଦାର ।